વિતરણ:રવિવારે જૂનાગઢ ખોડિયાર ગૃપ યુવક મંડળ ટ્રસ્ટ દ્વારા અનાજ વિતરણ

શહેરમાં કાર્યરત અનેકવિધ સેવાકીય પ્રવૃત્તિ કરતી શ્રી જૂનાગઢ ખોડીયાર ગૃપ યુવક મંડળ ટ્રસ્ટ દ્વારા પ્રતિ માસના પ્રથમ રવિવારે જરૂરિયાતમંદ લોકોને ફ્રિ અનાજ વિતરણ કરવામાં આવે છે.ત્યારે ડિસેમ્બર માસના પ્રથમ રવિવાર 6 ડિસેમ્બરે દુબડી પ્લોટ સ્થિત આર્દશ પ્રાયમરી સ્કૂલ ખાતે જરૂરિયાતમંદ 50 પરિવારોને નિ:શુલ્ક અનાજ વિતરણ કરવામાં આવશે. આ તકે સુનિધી ચેરીટી ફાઉન્ડેશન- મુંબઇના પ્રતિનિધી રમેશભાઇ શેઠ દ્વારા ધાબળાનું વિતરણ કરવામાં આવશે. સેવાકીય કાર્યને સફળ બનાવવા સંસ્થાના પ્રમુખ નરેન્દ્રભાઇ ઘુચલા અને સર્વે હોદદારો,ટ્રસ્ટીઓ અને સભ્યો જહેમત ઉઠાવી રહ્યા છે.