સમસ્યા:સુત્રાપાડામાં ઉડતી ધુળના કારણે સ્થાનિકોને હાલાકી

સુત્રાપાડા-વેરાવળ હાઈવે રોડ પર સુત્રાપાડાના કાંકરીગેટ સામે આવેલ રો૰ડ પર મોટા પ્રમાણમાં ઉડતી ધુળની ડમરીઓને કારણે સ્થાનિકો પરેશાન છે. રોડ પર મોસ મોટા ખાડા પડી ગયેલ હોવાથી રોડ બિસ્માર હાલતમાં છે. તો બીજી તરફ ખાનગી કંપનીના મોટા વાહનોની સતત અવર-જવરના કારણે ધુળની ડમરી ઉડતી રહે છે. રોડ પર ખાણી-પીણીની દુકાનો પણ આવેલી છે, ઉડતી ધુળના કારણે આ લોકોને ભારે મુશ્કેલીનો સામનો કરવો પડે છે. જ્યારે આ વિસ્તારના લોકોના સ્વાસ્થ પર ખતરો છે.

ઉપર થી તંત્ર કે કંપની દ્વારા ઘણા સમયથી રોડ ઉપર પાણીનો છંટકાર પણ કરવામાં આવતો નથી.વેપારીઓનીમાંગણી છે કે આ રોડને વહેલી તકે રીપેર કરવામાં આવે અને જ્યા સુધી નવીનીકરણ ન થાય તો દરરોજ આ રોડ ઉપર પાણીનો છંટકાવ કરવામાં આવે તેમ મામદતદારને આવેદન આપી તાત્કાલીક સમસ્યાનું નિવારણ લાવવા રજૂઆત કરાઈ છે. જેથી ધુળની ડમરીઓ સામે લોકોને આંશીક શાંતી મળી રહે.