દત્ત જયંતિ:માં અંબાના મંદિરે દત્ત જયંતિની કરાઇ ઉજવણી

જૂનાગઢના ગિરનાર પર્વતના 5,000 પગથિયા પર બીરાજમાન માં અંબાના મંદિરે માગસર સુદ પુર્ણિમાના પાવન દિવસે દત્ત જયંતિની ઉજવણી કરવામાં આવી હતી. સવારના 9 થી લઇને બપોરના 12:30 સુધી મહાપૂજા તેમજ દત્તયજ્ઞ કરવામાં આવ્યો હતો. આ અંગે મહંત તનસુખગીરી મહારાજે જણાવ્યું હતું કે, દેશના વડાપ્રધાન નરેન્દ્રભાઇ મોદીએ રોપ- વે યોજના સાકાર કરતા લાખ્ખોની સંખ્યામાં ભાવિકો માં અંબાના દર્શન કરી ધન્ય બન્યા છે. ત્યારે યજ્ઞબાદ વડાપ્રધાન નરેન્દ્રભાઇ મોદીને માતાના આશિર્વાદરૂપે પ્રસાદ મોકલવામાં આવશે.

આ તકે ગણપતગિરી મહારાજ, મેયર ધીરૂભાઇ ગોહેલ, સાંસદ રાજેશભાઇ ચુડાસમા, યોગીભાઇ પઢિયાર, રોપ- વે મેનેજર દિનેશ પુરોહિત તેમજ મોટી સંખ્યામાં માંઇ ભક્તો જોડાયા હતા.