ચૂંટણી:મનપાની પેટાચૂંટણીમાં વોર્ડ નં 6, 15નાં કોંગી ઉમદવારે ફોર્મ ભર્યા

જૂનાગઢ મહાનગર પાલિકાની પેટા ચૂંટણીમાં વોર્ડ નંબર 6 અને 15માં કોંગ્રેસનાં ઉમેદવારે ફોર્મ ભર્યા હતાં. જોકે વોર્ડ નંબર 6માં તો કોંગ્રેસે મહિલા કોર્પોરેટરનાં પુત્રને ટિકીટ આપી છે. જૂનાગઢ મહાનગરપાલિકાનાં વોર્ડ નંબર 6 અને 15માં બે બેઠક ખાલી થઇ હતી. ખાલી બેઠકની પેટા ચૂંટણી જાહેર થઇ છે. ભાજપ પોતાનાં ઉમેદવારનાં ફોર્મ રજુ કરી દીધા છે.

ત્યારે શનિવારે વોર્ડ નંબર 6માંથી લલીત પણસારા અને વોર્ડ નંબર 15માંથી પુર્વ મેયર લાખાભાઇ પરમારે ફોર્મ રજુ કર્યું છે. વોર્ડ નંબર 6નાં ઉમેદવાર હાલનાં કોર્પોરેટર મંજુલાબેનનાં પુત્ર છે. કોંગ્રેસે એક જ વોર્ડમાં માતા- પુત્રને ઉતારતા અનેક ચર્ચા જાગી છે. ફોર્મ ભરતી વખતે શહેર પ્રમુખ અમિત પટેલ, ધારાસભ્ય ભીખાભાઇ જોષી સહિતનાં હાજર રહ્યાં હતાં.