ક્રાઇમ:ખોરોસામાં ડ્રોન કેમેરાને ઉતારતા બાઈક ચાલક ઉઠાવી રફૂચક્કર

ગડું તાલુકાના ખોરાસા ગીર ગામમાં લગ્ન પ્રસંગ દરમ્યાન ખોરાસા ગીર ગામનો અંજલિ સ્ટુડિયો ધરાવતા સંદીપભાઈએ લગ્નની જાનમાં ડ્રોન કેમેરાની મદદથી વિડિયો શુટિંગ કરતા હતા. ત્યારે ગત 9 ડિસેમ્બરના રોજ લગ્ન પ્રસંગની જાનામાં ડ્રોન કેમેરો ગડું નજીકની અક્ષરવાડી પાસે હાઈવે પર લગ્નની જાનમાં કેમેરાથી શૂંટીંગ ઉતારતો હતો.

ત્યારે શૂટિંગ પુર્ણ થતા આ ડ્રોન કેમેરાને પતાના થી 200 મીટર દૂરના અંતરે હોમ પોઈન્ટ પર સુરક્ષિત ઉતારતા કોઈ અજાણ્યો બાઈક ચાલક આવી અને તેને આપવાનું કહીને ત્યાં થી ઉપાડી જઈ ફરાર થઈ ગયો હતો. જે અંગે ચોરવાડ પોલીસ સ્ટેશનમાં ફરિયાદ કરવામાં આવી હતી. જેના આધારે પોલીસે તપાસ કરતા આ સમગ્ર ઘટના સ્થાનિક પાસેના રસ્તાના સીસીટીવી કેમેરામાં કેદ થઇ ગઇ હતી. જ્યારે ચોરવાડ પોલીસેના હેડ કોસ્ટેબલ પી.એસ. કરમટાએ સીસીટીવી ફૂ઼ટેજના આધારે તપાસ હાથ ધરી છે.