GISFS ના જવાનોએ માંગ્યો પગાર વધારો:જૂનાગઢ કલેકટરને આવેદનપત્ર પાઠવી રજૂઆત કરવામાં આવી

જુનાગઢ16 દિવસ પહેલા

ગુજરાત ઇન્ડસ્ટ્રીયલ સિક્યુરિટી ફોર્સ સોસાયટીની સ્થાપના 1997-98 માં કરવામાં આવી હતી અને દરેક GISFS ના જવાનોને ગુજરાતનાં પોલીસ ટ્રેનીગ સેન્ટરોમાં SRP ગ્રુપમાં PTC જુનાગઢ જેવા પોલીસ ટ્રેનીંગ સેન્ટરોમાં તાલીમ આપવામાં આવેલ અને પોલીસ વડા દ્વારા તાલીમ પ્રમાણપત્રો આપવામાં આવેલ હતા.આ ભરતી ગુજરાતનાં દરેક પોલીસ હેડક્વાર્ટરમાં કરવામાં આવી હતી અને તાલીમ બાદ સિક્યુરિટી ગાર્ડને રૂપિયા 1800 અને સિક્યુરિટી - સબ ઇન્સ્પેકટર 2200 ફિક્ષ પગારથી ગુજરાતની સરકારી કચેરીઓમાં નોકરી આપવામાં આવી હતી.

આ સંસ્થાના ચેરમેન તરીકે IPS કક્ષાના અધિકારી એટલે ગૃહ સચિવને નિમાયા છે અને ગવર્નીંગ બોડીમાં ( 1 ) IAS નાણાં સચિવ ( 2 ) IAS ઉદ્યોગ સચિવ ( 3 ) IPS હોમગાર્ડ કમાન્ડર ગુજરાત, ગુજરાતના IAS અને IPS આ સોસાયટીના સભ્યો છે. ગૃહ વિભાગ દ્વારા સરકારી ઈનોવા - બોલેરા - ટાવેરા - સરકારી મોટર - સાઈકલો GISFS સંસ્થાને ફાળવવામાં આવી છે અને આ સંસ્થાના CEO તરીકે નિવૃત IPS અધિકારીને મુકાવવામાં આવ્યા છે GISFS ના જવાનોને હાલ ગુજરાત વિધાનસભા નવા - સચિવાલય - જૂના - સચિવાલય ગુજરાતની તમામ RTO કચેરીઓ , ગુજરાત મેરીટાઇમ બોર્ડ , પ્રદૂષણ નિયંત્રણ બોર્ડ , GPSC કચેરી ગુજરાતની તમામ સરકારી ઈજનેરી કોલેજો સમાજ - કલ્યાણ વિભાગની આદર્શનિવાસી શાળાઓ , સરકારી લાયબ્રેરીઓ અમરેલી એર - પોર્ટ આમ ગુજરાતની સરકારી કચેરીઓમાં સુરક્ષાની જવાબદારી નિભાવે છે GISFS ની ભરતી પોલીસ ની ભારતીના નિયમ મુજબ કરવામાં આવી હતી 1997-98 બાદ પોલીસ વેઈટીંગ - રક્ષાશક્તિ યુનિવર્સિટીમાં તાલીમ પામેલા લોકોને GISFS માં ભરતી કરવામાં આવ્યા છે.

GISFS ના જવાનોને સરકારી કચેરીઓમાંથી 23000 જેવુ બિલ આપવામાં આવે છે . જેમાંથી સિક્યુરિટી ગાર્ડના એકાઉન્ટમાં 11200 જમા થાય છે અને સિક્યુરિટી - સબ - ઇન્સ્પેકટરનું બિલ 28000 જેવુ બને છે અને તેના એકાઉન્ટમાં 13400 જમા થાય છે . GISFS સંસ્થાના CEO તરીકે નિવૃત નહી ચાલુ IPS અધિકારીની નિમણૂક કરવામાં આવે . 4 વર્ષ 2011 થી વર્ષ 2022 સુધી GISFS ઓફિસ દ્વારા જેટલી ભરતી કરવામાં આવી તે તમામ સિક્યુરિટી ગાર્ડના પ્રમાણ પત્રો વેરિફિકેશન કરાવી ખોટી રીતે ભરતી થયેલા લોકો ઉપર પોલીસ કાર્યવાહી કરવામાં આવે.

1997માં GISFSની જેમ શિક્ષણ વિભાગમાં બાલ - ગુરુ યોજના અંતર્ગત ફિક્સ પગારમાં ભરતી કરવામાં આવેલ તે લોકોને હાલ ગુજરાત સરકારના કર્મચારી ગણવામાં આવે છે. તેમ GISFSના જવાનોને ગુજરાત સરકારના કર્મચારી ગણવામાં આવે તેના જેટલો પગાર આપવામાં આવે . 2005નો પ્રાઇવેટ સિક્યુરિટી એક્ટ નાબૂદ કરવામાં આવે . મહારાષ્ટ્ર ની MISFS ને સરકાર ખાસ દરજો આપ્યો છે તેમ ગુજરાત સરકાર GISFS ને MISFS ની પેટર્ન મુજબ બનાવે, GISFSના જવાનોને ગુજરાત સરકારના વર્ગ -૩ આપવામાં આવે, ભાવનગર ખાતે દિલ્લીના મુખ્યમંત્રી કેજરીવાલની સભા હતી તેમાં GISFS ના ગાર્ડ માવજીભાઈ સરવૈયાએ તમામ ગુજરાતનાં GISFS ના પડતર પ્રશ્નો બાબતે રજૂઆત કરતાં તેઓને GISFS ની ઓફિસ દ્વારા ભાવનગરથી જીલ્લા બહાર બનાસકાંઠા બદલી કરેલ છે તેમના અવાજને દબાવી દેવાના પ્રયાસ કરવામાં આવ્યો હતો. તેમની બદલી અટકાવી પુન : તેમની મૂળ જગ્યાએ હાજર લેવાય તેવી માંગણીઓ કરવામાં આવી હતી.

અન્ય સમાચારો પણ છે...