ધરપકડ:જૂનાગઢ શહેરમાંથી દેશી અને વિદેશી દારૂનો જથ્થો પકડાયો

જૂનાગઢનાં શાંતેશ્વર અને ડુંગરપુર નજીકથી પોલીસે દેશી અને વિદેશી દારૂનો જથ્થો પકડી પાડ્યો હતો. અને પોલીસે રૂપિયા 2.65 લાખનાં મુદામાલ સાથે 1 શખ્સની અટક કરી હતી. બનાવની મળતી વિગત મુજબ જૂનાગઢ ક્રાઇમ બ્રાન્સ પોલીસ પેટ્રોલીંગમાં હતી, તે દરમિયાન જોષીપરામાં રહેતા મેહૂલ ઉર્ફે વિકી ભીખુભાઇધારૈયા પોતાની કારમાં દારૂ છુપાવી હેરાફેરી કરી રહ્યો છે અને સિધ્ધેશ્વર પાર્ક સોસાયટીમાં રાખ્યો છે. પોલીસે તપાસ કરતા કારમાંથી દારૂનાં ચપટા નંગ 435 કિંમત રૂપિયા 43,500નાં મળી આવ્યાં હતાં. પોલીસે કાર મળી રૂપિયા 1,43,500નો મુદામાલ કબજે કર્યો હતો.

જ્યારે કાર નંબર જીજે 09 એમ 1049માં દેશી દારૂની હેરાફેરી થઇ રહી છે અને આ કાર ખડિયા તરફ જઇ રહી છે. વીજાપુરનાં પાટિયા પાસે પોલીસે રોકાવવાનો પ્રયાસ કર્યો હતો. પરંતુ કાર ચાલક નાસી ગયો હતો. પોલીસે કારનો પીછો કરી ડુંગરપુર પાસે વાહન આડા રાખી પકડી પાડ્યો હતો. કારની તલાસી લેતા કારમાંથી દેશી દારૂ કિંમત રૂપિયા 4900નો મળી આવ્યો હતો. પોલીસે કાર ચાલક ભરત વાધેલાને પકડી પાડ્યો હતો. જયારે એક નાસી જવામાં સફળ થયો હતો. પોલીસે રૂપિયા 1,21,900નો મુદામાલ કબજે કર્યો હતો.