શિક્ષણ:BCA સેમેસ્ટર 3નું 61.52 ટકા, BRS સેમે. 3નું 73.22 ટકા પરિણામ

જૂનાગઢની ભક્ત કવિ નરસિંહ મહેતા યુનિવર્સિટી દ્વારા લેવાયેલી 3 પરીક્ષાના પરિણામ જાહેર કરવામાં આવ્યા છે. જ્યારે પુન:મુલ્યાંકન માટે 10 દિવસમાં ઓનલાઇન અરજી કરવા જણાવાયું છે. આ અંગે ભક્ત કવિ નરસિંહ મહેતા યુનિવર્સિટીના કુલપતિ પ્રો. ડો. ચેતનભાઇ ત્રિવેદીએ જણાવ્યું હતું કે, ડિસેમ્બર 2020માં લેવાયેલી પરીક્ષા પૈકી વધુ 3 પરીક્ષાના પરિણામો જાહેર કરવામાં આવ્યા છે.

આમાં બીસીએ સેમેસ્ટર 3 નું 61.52 ટકા, બીઆરએસ સેમેસ્ટર 3 નું 73.22 ટકા અને બીએસડબલ્યુ સેમેસ્ટર 3 નું 80.27 ટકા પરિણામ જાહેર કરવામાં આવ્યું છે. જ્યારે પુન:મુલ્યાંકન કરવા માટે પરિણામ જાહેર થયાના દિવસ 10માં ઓનલાઇન અરજી કરવાની રહેશે. દરમિયાન હજુ પણ બાકી રહેલી પરીક્ષાના પરિણામ વ્હેલી તકે જાહેર કરવામાં આવશે.