ઢોરનું મારણ:વડાલના રહેણાંક વિસ્તારમાં 5 સિંહે 2 ઢોરનું મારણ કર્યું, વન્ય પ્રાણીઓ આવી ચઢતા હોવાથી લોકોમાં ભય

આજકાલ જંગલના રાજા શહેરી વિસ્તારો તરફ વળતા જોવા મળે છે. જેમાં ખાસ કરીને સોરઠ પથંકમાં આવેલ સાસણ ગીર અભ્યારણના સિંહો શહેર તરફ વળી રહ્યા છે. ત્યારે ગઈકાલે વહેલી સવારના વડાલ ગામમાં 5 ડાલામથાં શહેરમાં આવી ચઢ્યા હતા. જેમાં શહેરના રાધાવડી રહેણાક વિસ્તારમાં આવી ચઢી 2 ઢોરનું મારણ કરી મિજબાની માણી હતી. જ્યારે રહેણાક વિસ્તારમાં એટલે કે ગલીઓમાં સિંહો આવી ચઢતાં અને ઢોરના મારણા કરતા સ્થાનિક લોકોમાં ભારે ફફડાટ મચી જવા પામ્યો છે. વડાલ ગામમાં એકસાથે 5 સિંહ આવી ચઢતા સ્થાનિક લોકોમાં ભયનો માહોલ ફેલાયો છે.

જ્યારે અત્રે ઉલેખ્ખનીય છે કે આજ દિવસ સુધીમાં ક્યારેય પણ વડાલ ગામમાં સિંહો રેસીડેન્ટ વિસ્તારમાં આવતા સિંહ સીસીટીવી કેમેરામાં કેદ થયા હતા. અવાર-નવાર વન્ય પ્રાણીઓ આવી ચઢી દુધાળા પશુઓના મારણ કરતા હોવાથી શહેરી લોકોમાં ભયનો માહોલ જોવા મળ્યો છે.