કામગીરી:કાલીન્દ્રી નદી પર બંધ બાધી 3 કરોડ લીટર પાણીનો સંગ્રહ કરાયો

મેઘલ રીવર કોર ગૃપ દ્વારા માળીયાહાટીના તાલુકાના ખોરાસા ખાતેની કાલીન્દ્રી નદી પર બંધ બાધી સમુદ્રમાં વહી જતા આશરે ત્રણ કરોડ લીટરથી વધારે પાણીનો સંગ્રહ કરાયો છે. જૂનાગઢ જિલ્લામાંથી પસાર થતી મેઘલ નદી જેની લંબાઇ આશરે 71 કિ.મી. છે. આ નદી કાંઠાના વિસ્તારમાં કુલ 52 ગામ આવેલા છે. જેમાં 30 જટેલા ગામોના ખેડૂતો પાણી બચાવવા માટે મેઘલ રીવર કોર ગૃપની રચના કરી છે.

મેઘલ રીવર કોર ગૃપ આ નદીઓમાંથી વહી જતા પાણીને રોકવા માટે દર વર્ષે દિવાળી પછી બંધ બાંધે છે. જેમાં લોખંડના દરવાજા, પથ્થર અને માટીની ભરેલી બોરીયો મુકી નદીમાં બંધ બનાવવામાં આવે છે. આ બંધને ચોમાસામાં પુરથી બચાવવા ચોમાસુ આવતા પહેલા હટાવી દેવામાં આવે છે. જે અવિરતપણે દર વર્ષે કરવામાં આવે છે.