દારૂ સાથે પકડાયા:થર્ટી ફસ્‍ટને લઇ ઉનાથી વેરાવળ નેનો કારમાં દારૂનો જથ્થો લઇને આવતા 3 ઝડપાયા

ઉના તરફથી નેનો કારમાં પાયલોટીગ સાથે વિદેશી દારૂ વેરાવળ જીઆઇડીસીમાં આવતો હોવાની બાતમીના આઘારે પ્રભાસપાટણ પોલીસે ઉનાના ત્રણ અને પ્રભાસપાટણના એક શખ્‍સને રૂ.25 હજારના વિદેશી દારૂના જથ્‍થા સહિત નેનો કાર અને બાઇક સાથે ઝડપી લઇ ઘોરણસરની કાર્યવાહી હાથ ઘરી છે.

થર્ટી ફસ્‍ટ નજીક જેમ નજીક આવી રહી છે તેમ જીલ્‍લામાં દારૂની હેરાફેરી વઘી રહી હોવાથી પોલીસે પણ પેટ્રોલીંગ વઘારેલ છે. દરમ્‍યાન ગઇકાલે સાંજે પ્રભાસપાટણ ડીસ્‍ટાફના હેમતભાઇ સોલંકીને મળેલ બાતમીના આઘારે પીઆઇ રાઠવાની સુચનાથી સ્‍ટાફ જીઆઇડસીમાં વોચમાં રહેલ હતો. દરમ્‍યાન એક બાઇક આવતા તેને શંકાના આઘારે રોકાવી પુછપરછ કરી એ સમયે જ નેનો કાર આવતા તેને રોકાવી તલાસી લેતા કારમાંથી બે પાર્સલ મળી આવેલ હતા.

જે ખોલીને તપાસ કરતા તેમાં વિદેશી દારૂની 63 બોટલો કિ.રૂ.25,200 ની મળી આવેલ હતી. આ કાર અને બાઇક સાથે સાદીક હારૂન શેખ, યાસીન યુસુફ શેખ, રમજાન અમીન શેખ ત્રણેય રહે.ઉનાવાળાની નેનો કાર અને બાઇક મળી કુલ રૂ.1.55 લાખના મુદામાલ સાથે અટક કરી પુછપરછ હાથ ઘરવામાં આવી હતી. જેમાં આ દારૂનો જથ્‍થો પ્રભાસપાટણના ઘાંચીવાડામાં રહેતા નુરમહમદ અલી ગઢીયાને આપવાનો હોવાનું જણાવેલ હતુ. જેના આઘારે નુરમહમદની અટક કરી ઘોરણસરની કાર્યવાહી હાથ ઘરી હતી.