કાર્યવાહી:વંથલી તા.પં.માં પ્રમુખ-ઉપપ્રમુખની ચૂંટણી સમયે વ્હીપનો અનાદર કરનાર કૉંગ્રેસના 2 સભ્યોને સસ્પેન્ડ કરાયા

જૂનાગઢ જિલ્લાના વંથલી તાલુકા પંચાયતની પ્રમુખ ઉપપ્રમુખની ચૂંટણી વખતે પક્ષના વ્હીપનો અનાદર કરી ભાજપના ઉમેદવારોને મદદના હેતુથી સામાન્ય સભામાં ગેરહાજર રહેનાર તા.પં.ના બે સભ્યોને છ વર્ષ માટે કોંગ્રેસમાંથી સસ્પેન્ડ કરાયા છે.

વંથલી તાલુકા પંચાયતના પ્રમુખ ઉપપ્રમુખની વરણી માટે તા.18 માર્ચના સામાન્ય સભા યોજાઈ હતી. જેમાં કોંગ્રેસ પક્ષના સભ્યોને વ્હીપ આપી પક્ષના ઉમેદવારોને મત આપવા સુચના આપી હતી. પરંતુ તા.પં.ના પ્રમુખ ઉપપ્રમુખની ચૂંટણી સમયે શાપુર-1 તા.પં.ની સીટપરથી ચૂંટાયેલા કોંગ્રેસના સભ્ય વેજીબેન સામતભાઈ ભારાઈ તથા શાપુર સીટ-૨ પરથી ચૂંટાયેલા મુકતાબેન ગોરધનભાઈ ચૌહાણ ભાજપના ઉમેદવારોને મદદ કરવાના હેતુથી સામાન્ય સભામાં ગેરહાજર રહી પક્ષના વહીપનો અનાદર કર્યો હતો.

આ પક્ષવિરોધી પ્રવૃતિ બદલ જૂનાગઢ જિલ્લા કોંગ્રેસ પ્રમુખએ વંથલી તાલુકા પંચાયતના સભ્ય વેજીબેન ભારાઈ તથા મુકાતાબેન ચૌહાણને છ વર્ષ માટે કોંગ્રેસમાંથી સસ્પેન્ડ કર્યા છે. આગામી સમયમાં તા.પં.ના સભ્યપદેથી દૂર કરવા અંગેની પણ કાનુની કાર્યવાહી થશે.