ક્રાઇમ:1,20,000નો ઇંગ્લીશ દારૂનો જથ્થો ઝડપાયો

કેશોદના દેવાણી નગરમાં રહેતા રાજેન્દ્ર ઉર્ફે રાજુ રાણાભાઇ બાબરીયાના રહેણાંક મકાને દરોડો પાડી 43,200નો ઇંગ્લીશ દારૂનો જથ્થો ઝડપી લીધો હતો. જ્યારે આરોપી મળી આવ્યો ન હતો. દરમિયાન શહેરના 66 કેવી શ્રમજીવી નગરમાં રહેતો ચરણસિંહ શાંતુભાઇ બોરીચા કારમાં દારૂ લઇને જૂનાગઢ તરફ આવતો હોવાની બાતમી મળી હતી. બાદમાં સાંકળીધાર ચેક પોસ્ટ પરથી પસાર થતી જીજે 31 એ 1483 નંબરની કારને રોકાવી ચેક કરતા તેમાંથી 48,000 નો ઇંગ્લીશ દારૂ મળી આવ્યો હતો.

એલસીબીએ દારૂ, કાર, મોબાઇલ મળી કુલ 3,03,000નો મુદ્દામાલ કબ્જે કર્યો હતો. દરમિયાન બાતમી મળી કે આરોપી ચરણસિંહ શાંતુભાઇ બોરીચાએ બે ત્રણ દિવસ પહેલા મંગાવેલ દારૂનો જથ્થો પોતાના મકાનમાં છુપાવ્યો છે. બાદમાં આરોપીના ઘરે તપાસ કરી 28,800નો વિદેશી દારૂ ઝડપી લીધો હતો. આમ, કુલ 3 સ્થળેથી દારૂ, કાર, મોબાઇલ મળી કુલ 3,75,000નો મુદ્દામાલ કબ્જે કરી ધોરણસરની કાર્યવાહી હાથ ધરી છે.