દુર્ઘટના:ચોરવાડની મેઘલ નદીમાં હોડી ડૂબતા 1નું મોત

માળિયા હાટીના તાલુકાના ચોરવાડ ખાતે મેઘલ નદીમાં નાળિયેર ભરેલી હોડી ડૂબી જતાં હોડી ચલાવતા યુવાનનું મોત નિપજ્યું હતું. પોલીસમાંથી પ્રાપ્ત વિગતો મુજબ, ચોરવાડના જરાળી વિસ્તારમાં રહેતો મનીષભાઇ જીતુભાઇ પંડિત (ઉ. 30) નામનો યુવાન તા. 27 ડિસે.ના રોજ બપોરે 12:30 વાગ્યાના અરસામાં વડોદરા તરફના કાંઠેથી હોડીમાં નાળિયેર ભરી ચોરવાડ તરફના કાંઠે આવતો હતો. ત્યારે હોડી કોઇ કારણોસર મેઘલ નદીના પાણીમાં ડુબી જતાં મનીષભાઇનું મોત નિપજ્યું હતું. બનાવની તપાસ ચોરવાડના હેડ કોન્સ્ટેબલ પી. જે. ડાભી ચલાવી રહ્યા છે.