કોરોના અપડેટ:જૂનાગઢ જિલ્લાના 9 માંથી 8 તાલુકામાં કોરોનાના 0 કેસ

જૂનાગઢ જિલ્લામાં હવે કોરોનાના વળતા પાણી થયા છે. આરોગ્ય તંત્રના સઘન પ્રયાસો તેમજ લોકોમાં આવેલી જાગૃત્તતાના કારણે થતી કોરોના ગાઇડ લાઇનના પાલનથી કોરોનાને હરાવી શકવામાં સફળતા મળી રહી છે. દરમિયાન બુધવારે જૂનાગઢ જિલ્લાના 9 માંથી 8 તાલુકામાં કોરોનાના 0 કેસ રહ્યા છે. જ્યારે માત્ર 2 કેસ નોંધાયા છે જેમાં 1 કેસ જૂનાગઢ સિટીનો છે, જ્યારે 1 કેસ મેંદરડા તાલુકાનો છે.

જ્યારે 7 દર્દી સાજા થતા તેને ડિસ્ચાર્જ કરવામાં આવ્યા છે. બુધવારે જૂનાગઢ જિલ્લાના 9 તાલુકા પૈકી કેશોદ, ભેંસાણ, માળીયા હાટીના, માણાવદર, માંગરોળ, વંથલી, વિસાવદર અને જૂનાગઢ મળી કુલ 8 તાલુકાને કોરોનાના કેસથી જાણે મુક્તિ મળી હોય તેમ એકપણ કેસ કોરોના પોઝિટીવ નોંધાયો ન હતો. દરમિયાન હજુ જિલ્લામાં 3 કન્ટેઇનમેન્ટ ઝોનમાં આવેલા 8 ઘરના મળી કુલ 34 લોકોનો કન્ટેઇનમેન્ટ ઝોનમાં સમાવેશ થાય છે.