તપાસની માંગ:20 દિ'માં રોડ તુટવા લાગ્યો, ગેરરિતીનો આક્ષેપ

મેંદરડા ગામમાં ધારેશ્વરથી રઝાકભાઈની દુકાન સુધીના માર્ગ પર 15 જાન્યુઆરી 2021ના રોજ આરસીસીનો રોડ બનાવવામાં આવ્યો હતો. નવા બનાવેલા રોડ પર 20 જ દિવસમાં ઠેર ઠેર ગાબડાં પડવા લાગ્યા છે. અને કાંકરાઓ નીકળવા લાગ્યા છે, રોડ પર પાથરેલા રોડમાં કાંકરાઓ સાથે પોપડાં ઉખડવા લાગતાં લોકોમાં નારાજગી જોવા મળી છે. માત્ર 20 જ દિવસમાં બનાવેલો રોડ તકલાદી નીકળતાં ગેરરીતીની શંકા સેવાઇ રહી છે.

14 મા નાણાં પંચની રકમમાંથી આશરે દોઢ લાખ રૂપિયાનાં ખર્ચે રોડ બનાવવામાં આવ્યો હતો. રોડ કૌભાંડ અંગે બ્રાહ્મણ શેરી સહિતના વિસ્તારમાં રહેતા સમસ્ત નાગરીકોએ રોડ કૌભાંડની તપાસ કરવા માટે અરજીઓ કરતાં તંત્રમાં ખળભળાટ મચી ગયો છે. મેંદરડાના કથિત રોડ કૌભાંડના કારણે લોકોમાં રોષ ભડકી ઉઠ્યો છે.