આયોજન:રહીજ ગામે આજ કી શામ શહિદો કે નામ અંતર્ગત શહિદ વંદના, તિરંગા યાત્રા યોજાશે

માંગરોળએક મહિનો પહેલા
  • કૉપી લિંક
  • ગામના પ્રથમ શહીદ વિક્રમસિંહ બહાદુરસિંહ ચુડાસમાના પ્રથમ વીરગતી દિવસ નિમીતે આયોજન

માંગરોળનાં રહીજ ગામના વીર શહીદ વિક્રમસિંહ બહાદુરસિંહ ચુડાસમાનાં પ્રથમ વીરગતી દિવસ નિમિતે રહીજ મુકામે આજ કી શામ શહિદોકે નામ અંતર્ગત શહીદ વંદના (લોકડાયરો) – ત્રિરંગાયાત્રા – સ્મારક અનાવરણ જેવા વિવિધ દેશભકિતના કાર્યક્રમોનું આયોજન 20મેને શુક્રવારના કરાયું છે.

આ દેશભકિત કાર્યક્રમમાં 3:30 કલાકે ત્રિરંગાયાત્રા- શહીદ સ્મારક માંગરોળ બંદરેથી માંગરોળ શહેર થઇને વીર શહીદ વિક્રમસિંહના સ્મારક રહીજ સુધી, સાંજે 5:30 કલાકે સ્મારક અનાવરણ સાધુ-સંતો, વિશિષ્ટ મહેમાનો, દેશપ્રેમી જનતાની ઉપસ્થિતિમાં ડો.આચાર્યશ્રી અજયકુમાર પંડયાના આશિર્વચન સાથે ત્યારબાદ સાંજે 6:00 કલાકે ભોજન સમારંભ અને રાત્રીના 9:00 કલાકે શહીદ વંદના (ભવ્ય લોકડાયરો)નું આયોજન કરેલ છે.

લોકડાયરાના કલાકારો રાજભા ગઢવી, તેજલબા દરબાર, જાહલબેન આહીર તથા સાજીંદા ગૃપ સાથે દેશભકિતનો સાંસ્કૃતિક કાર્યક્રમ પીરસશે. આ કાર્યક્રમના પ્રમુખ સ્થાને મહંત ઇન્દ્રભારતીજી મહારાજ, ગુરૂ પ્રેમભારતીજી મહારાજ, રૂદ્રેશ્વર જાગીર ભારતી આશ્રમ ઘાંટવડ ઉપસ્થિત રહેશે. આ ઉપરાંત આમંત્રીત મહેમાનોમાં મિલેટ્રીમાં ફરજ બજાવતા અધિકારીઓ તેમજ જુનાગઢ જિલ્લાના સરકારી ખાતાનાં અધિકારીઓ તેમજ રાજકીય આગેવાનો ઉપસ્થિત રહેશે.

વીર શહિદ વિક્રમસિંહ બહાદુરસિંહ ચુડાસમાં આ પ્રથમ શહીદ દીન નિમિતે ત્રણ ગામ ધુમાડાબંધ ભોજનનું પણ તેમના પરિવાર તથા સમસ્ત રહીજ ગામ દ્રારા આયોજન કરાયું છે. તો આ શહીદ વંદના કાર્યક્રમમાં ઉપસ્થિત રહેવા તમામ દેશભકતોને સમસ્ત રહીજ ગામ તથા તેમના પરિવાર દ્રારા નમ્ર નિવેદન કરવામાં આવે છે. અત્રે ઉલ્લેખનીય એ છે કે, આ ગામનાં 50 થી વધુ યુવાનો આર્મીમાં ફરજ બજાવી રહ્યાં છે.

અન્ય સમાચારો પણ છે...