રજૂઆત:સોમનાથથી ઉપડતી ઈન્ટરસિટી ટ્રેન બંધ, મુસાફરોને થતી હાલાકી

લોક ડાઉન પછી સોમનાથ સુધીની લોકલ ટ્રેનો આજ સુધી શરૂ કરવામાં આવી નથી. જેથી બંધ કરેલી તમામ ટ્રેનો તાત્કાલિક રૂપે શરું કરવા માટે સોરઠ રેલવે પેસેન્જર એસોનાં પ્રમુખ મહેન્દ્ર ગાંધી, મગનભાઈ સહિતનાં આગેવાનોએ રેલ્વેના ડી.આર.એમને પત્ર લખી જણાવ્યું છે. કે સોમનાથથી ઉપડતી ઇન્ટરસિટી ટ્રેન અને લોકલ સોમનાથ થી રાજકોટ પોરબંદર જતી ટ્રેનો તાત્કાલિક શરું કરવા માંગણી કરી છે.

ટ્રેન બંધ હોવાથી હજારો મુસાફરો દુઃખી થાય છે. તો તાત્કાલિક લોકલ અને લાંબા રૂટની બધી જ ટ્રેનો શરું કરવાની માંગણી કરી છે.કોરોના બાદ કેટલીક ટ્રેનો શરૂ થઇ ગઇ છે. પરંતુ લોકલ ટ્રેન હજુ બંધ છે. જેના કારણે અપ-ડાઉન કરતા મુસાફરોને મુશ્કેલીનો સામનો કરવો પડી રહ્યો છે. આ ટ્રેન વ્હેલી તકે શરૂ કરવાની માંગ ઉઠી છે.