ફરિયાદ:યુવતીએ પ્રેમી સાથે મળી ઘરમાંથી 4.75 લાખ ચોર્યા, માતાની ફરિયાદ

કેશોદમાં આશરે 2 મહિના પહેલાં એક શખ્સ યુવતીને લવ જેહાદનો ભોગ બનાવી ભગાડી ગયા બાદ તેની માતાએ પોતાની પુત્રી પ્રેમી સાથે મળી રૂ. 4.75 લાખની ચોરી પણ કરી ગઇ હોવાની રજૂઆત પોલીસને આપેલી અરજીમાંકરી છે. પોલીસને આપેલી અરજીમાં યુવતીની માતાએ લાંબા સમયથી પોતાની પુત્રીને લવજેહાદનો ભોગ બનાવીને ભગાડી જનાર માંગરોળ તાલુકાના ખરેડા ગામના કાસીમ હૈદરબાપુ કાદરી (ઉ. 24) અને પોતાની 22 વર્ષિય પુત્રી સામે ફરિયાદ કરી છે.

જેમાં તેમણે જણાવ્યું છેકે, 2 મહિના અગાઉ કાસીમ બદકામ કરવાના ઇરાદે ભગાડી ગયો હતો. એ અગાઉ કાસીમે પોતાની પુત્રી સાથે મળી પોતાના ઘરમાંથી રૂ. 4.75 લાખની રોકડ રકમની ચોરી કરી હતી. યુવતીની માતાએ બનાવને લવ જેહાદ ગણાવી તેની તટસ્થ તપાસ કરાવવા માંગણી કરી છે.

આ રજૂઆત વખતે યુવતીના માતા-પિતા, વિશ્વ હિન્દુ પરીષદ પ્રમુખ મેહુલ ગોંડલિયા, શહેરના અગ્રણીઓ રજનીભાઇ બામરોલિયા, ગોવિંદભાઇ ડાંગર સહિતના હાજર રહ્યા હતાં. અને આરોપી વિરૂદ્ધ કડક કાર્યવાહી કરવા માંગ કરી હતી. લવજેહાદના કિસ્સામાં દાખલારૂપ સજા કરવા પણ માંગ કરવામાં આવી હતી.