બજેટ:કેશોદ પંથકનાં સરોડ ગ્રા.પં.નું બજેટ સતત 4 વખત નામંજૂર

કેશોદ10 દિવસ પહેલા
  • કૉપી લિંક
  • સર્વાંગી વિકાસ અને લોક ઉપયોગી ન હોવાનો પંચાયતનો ઠરાવ, વિકાસ કમિશ્નરની કારણદર્શક નોટિસ

કેશોદની સરોડ પંચાયતનું 22-23 નું બજેટ સતત 4 વખત ના મંજુર થતાં વિકાસ કમિશ્નરની કારણદર્શક નોટિસ સામે વિકાસલક્ષી બજેટ ન હોવાનો ઠરાવ થતાં વિકાસ કમિશ્નર દ્વારા ગ્રા.પં.ને સુપરસીડ કરે એવા એંધાણ વર્તાઈ રહ્યાં છે. આ અંગે મળતી વિગતો મુજબ કેશોદ તાલુકાના 52 ગ્રામ પંચાયતની ટર્મ પુરી થતાં 32 ગામમાં ચૂંટણી યોજાઈ ગઈ હતી. જેને 4 મહિના વીતી ચુંક્યા છે. જયારે 20 ગામની ચૂંટણી પાછી ઠેલાતાં તલાટી મંત્રીની વહીવટદાર તરીકે નિમણુંક કરાઈ છે. આ પૈકી સરોડ ગ્રા. પં. નવી બોડી વચ્ચે 4 વખત 22-23 નું બજેટ પસાર કરવા બેઠક બોલાવવામાં આવી જેમાં 4 વિરૂદ્ધ 5 થી સહમતી ન સંધાતાં બજેટ ના મંજુર કરાયું હતું.

આ અંગે 31 માર્ચ પછી વિકાસ કમિશ્નર ગાંધીનગર ને રિપોટિંગ કરાતા તેમણે પંચાયતને કારણદર્શક નોટીસ પાઠવી હતી. જેનો ઠરાવ કરવાનો હોય બેઠક બોલાવાતાં આ બજેટ સર્વાંગી વિકાસ અને લોક ઉપયોગી ન હોય તેવો તલાટી મંત્રી દ્વારા ઠરાવ કરાયો હતો. આ અંગે તલાટી મંત્રી આર.ડી.તન્નાએ કહ્યું હતું કે, હવે ક્રમશઃ તલાટી મંત્રી, ટીડીઓ, ડીડીઓ મારફત ગાંધીનગર વિકાસ કમિશ્નરને રિપોર્ટિગ કરાતાં ત્યાંથી ગ્રામ પંચાયતને સુપરસીડ કરવા આખરી નિર્ણય લેવાઈ શકે છે.

અન્ય સમાચારો પણ છે...