લોકડાઉન:કેશોદમાં રીક્ષા, ટ્રક, બાઈક સહિત 15 વાહન ડિટેઇન,300 થી 500 નો દંડ ફટકારાયો

લોકડાઉન હોવા છતાં અમુક લોકો વાહન લઈને બહાર નીકળતા હોય તેમજ ટ્રાફિકને અડચણરૂપ વાહન રાખતા હોય જેમને લઈ કેશોદ પોલીસે કાર્યવાહી કરવાનું શરૂ કર્યું છે.કેશોદ પોલીસ સ્ટેશનના એએસઆઈ હાજાભાઈ રાઠોડ,દિલીપભાઈ પરમાર,ભરતભાઈ હડિયા, કુલદીપસિંહ રાયજાદા, પ્રકાશભાઈ જેબલીયા, આર.સી મૂછડીયા સહિતના સ્ટાફે ચારચોક,શરદચોક,ફુવારાચોક,આંબાવાડી સહિતના વિસ્તારોમાં ટ્રાફિક ઝુંબેશ હાથ ધરી હતી અને રીક્ષા,ટ્રક,બાઈક સહિત 15 વાહન ડિટેઇન કર્યા હતા.જાણવા મળતી વિગત મુજબ,આ વાહન ચાલકોને આરટીઓ કચેરી સુધી જવું ન પડે તે માટે રૂ.300 થી 500  નો દંડ વસૂલી અહીં થી જ વાહનો છોડી મુકાશે આ તમામ વાહન 12 કલાકની અંદર જ છૂટી જશે.