સબસીડી:કેશોદના ખેડૂતોને કેલ્શિયમ નાઈટ્રેટ ખાતરમાં 50 ટકા સબસીડી મળશે

સરકાર દ્વારા ખેડૂતો માટે વિવિધ યોજનાઓ શરૂ કરવામાં આવતી હોય છે. જેથી ખેડૂતોને ખાતર, બિયારણ સહિતની વસ્તુઓ ઓછી કિંમતે મળતી હોય છે. ત્યારે જ કેલ્શિયમ નાઈટ્રેટ ખાતરનું વિતરણ શરૂ કરવામાં આવનાર છે. જેમાં 50 ટકા સબસીડી આપવામાં આવશે. જેમનો લાભ લેવા જણાવાયું છે. પાકનું સારૂ ઉત્પાદન મેળવવા માટે ખાતર જરૂરી છે.

જો કે બજારમાં મળતા મોંઘાદાટ ખાતર ખેડૂતોને પોસાય તેમ નથી. જો કે સરકાર દ્વારા સબસીડી જાહેર કરાઈ છે. ત્યારે જ વાત કરીએ કેશોદ ખેતીવાડી શાખાની તો કેલ્શિયમ નાઈટ્રેટ ખાતર માટેની યોજના શરૂ કરાઇ છે. જે મેળવવા માટે 8-અની નકલ, આધાર કાર્ડ સાથે નજીકના ગ્રામ સેવકનો સંપર્ક કરવાનો રહેશે. અને ચકાચણી બાદ ખાતર આપવામાં આવશે જેમાં 50 ટકા સબસીડી મળશે.

છોડને જરૂરી તત્વો મળે છે
આ અંગે કેશોદ ખેતીવાડી શાખાના વિસ્તરણ અધિકારી ગજેન્દ્રસિંહ ચાવડાએ જણાવ્યું હતું કે આ ખાતર જે તે પાકના છોડને જરૂરી તત્વો આપે છે. અને દાણો ભરાવદાર અને ચમકદાર થાય છે. જેથી પાકની સારી એવી કિંમત મળે છે.