માગ‎:ગ્રાંટ છે છતાં પણ સમારકામ નહીં, કેશોદ‎ પંથકની આંગણવાડી સમારકામ વિહોણી‎

કેશોદ શહેર અને ગ્રામ્ય‎ વિસ્તારમાં કુલ 194 આંગણવાડી‎ આવેલી છે. જે પૈકી અમુક‎ આંગણવાડીમાં ચોમાસા પહેલાં‎ કરવાની થતી સમારકામની‎ કામગીરી આઇસીડીએસ વિભાગ‎ દ્વારા કરવામાં આવી નથી. જે‎ અંગે આઇસીડીએસ અધિકારી‎ દ્વારા ટીડીઓ સ્ટાફ દ્વારા‎ એસ્ટિમેન્ટ તૈયાર કરાતુ ન હોવાનું‎ કહી સમારકામ અટકી ગયાનું‎ બહાનું ધરવામાં આવી રહ્યું છે.‎ જેને લઈ આંગણવાડી સંચાલિકા‎ બહેનો અને બાળકોના વાલીઓમાં‎ રોષ જોવા મળી રહ્યો છે. કેશોદ‎ શહેરના ઘટક 1 માં 57 જયારે‎ ઘટક 2 માં 137 આંગણવાડી‎ આવેલી છે.

આ આંગણવાડીના‎ બાંધકામો જુના થતાં તેમાં તીરાડો‎ પડવા લાગી છે. બારી બારણાંઓ‎ જર્જરિત હાલતમાં જોવા મળી રહ્યાં‎ છે. તેની જાળવણી કરવા તંત્ર દ્વારા‎ સમયસર સમારકામ કરવાનું‎ આવતું નથી તેમજ ખુટતી‎ સુવિધાઓ પુરી પાડવા કામગીરી‎ હાથ ધરવાં આવતી નથી. તેવી‎ ફરીયાદ ઉઠવા પામી છે.

તે જોતાં‎ વાસ્તવિક પરિસ્થિતી જાણવાં‎ પ્રયત્ન કરાતાં અમુક‎ આંગણવાડીમાં બારી બારણાં‎ તુટેલાં જોવા મળ્યાં હતાં. તો‎ ક્યાંક પંખા બંધ હાલતમાં હતાં તો‎ વળી ક્યાંક પીવાના પાણીની‎ વ્યવસ્થા ન હતી. તેમજ પાલીકા કે‎ ગ્રામ પંચાયત દ્વારા નિયમિત સાફ‎ સફાઇ કરવામાં ન આવતાં‎ આંગણવાડી ફરતે કચરા ના‎ ઢગલાઓ જોવા મળતાં હતાં.

જો‎ બાંધકામનું સમારકામ કરવામાં ન‎ આવે તો બાળકો ને સાચવવા ક્યાં‎ તે એક મુંજવતો સવાલ છે તેવા‎ સંજોગોમાં આંગણવાડી સંચાલીકા‎ બહેનોએ એવું જણાવ્યું કે અમારી‎ આર્થીક પરિસ્થિતી ન હોવા છતાં‎ આંગણવાડીના અમુક રિપેરીંગ‎ કામ અમે સ્વખર્ચે કરીએ છે તો‎ બીજી તરફ વાલીઓ પોતાના‎ બાળકોની સુરક્ષાને ધ્યાને રાખી‎ જર્જરિત બાંધકામનું સમારકામ‎ કરવામાં આવે તેવી માંગ કરવામાં‎ આવી રહી છે.‎

અધિકારી શું કહે છે ?
આઇસીડીએસ ઘટક 1 ના અધિકારી પ્રવિણાબેને જણાવ્યું કે‎ આંગણવાડી મેઇનટેનન્સ કરવા અમારી પાસે ગ્રાંટ તો છે. પરંતુ ટીડીઓ પાસે એસ્ટિમેન્ટ બનાવવા પુરતો સ્ટાફ‎ ન હોય કામ વિલંબમાં પડ્યું છે. અમે આંગણવાડી સંચાલિકા બહેનોને દર વર્ષે બારી બારણાં રિપેર કરવાં 3000‎ જેવી રકમ આપીએ છીએ.‎ અઠવાડિયામાં એસ્ટીમેન્ટ બનાવવા બાંહેધરી‎ તા. પં. ઈજનેર પરમારે જણાવ્યું કે તપાસ કરી ICDS ની જરૂરિયાત મુજબ અઠવાડિયામાં એસ્ટીમેન્ટ બનાવી આપશું.‎