ક્રાઇમ:કુવો ગાળતી વખતે વીજ શોકથી આધેડનું થયું મોત

મેંદરડાના રાજાવડ ગામે કુવો ખોદવાની કામગીરી ચાલી રહી હોય એ દરમિયાન અકસ્માતે એક આધેડને વીજશોક લાગતા કેશોદ સિવીલ હોસ્પિટલ ખાતે લઇ જવાયાં હતાં. જયાં તબીબે મૃત જાહેર કરતાં પરિવારજનો શોકમાં ગરકાવ થઇ ગયા હતાં.  

સારવાર મળે તે પહેલા જ તેમનું મોત થતાં પરિવારજનોમાં શોક
જાણવા મળતી માહિતી મુજબ વડાળાના વતની અને મેંદરડાના રાજાવડની સીમમાં કુવો ખોદવાનું કામ કરતાં બોદુભાઇ સુલેમાનભાઇ રાઠોડને કુવામાં ઇલેક્ટ્રીક મોટર ચાલું થતાં વીજ શોક લાગ્યો હતો. આ બનાવની જાણ વાડી માલીકને થતાં તેમણે અને આસપાસનાં લોકોએ બોદુભાઇને સારવાર અર્થે અજાબ પ્રાથમિક આરોગ્ય કેન્દ્ર ખાતે લઇ જવાયાં હતાં. પરંતુ સારવાર મળે તે પહેલા જ તેમનું મોત થતાં પરિવારજનોમાં શોક પ્રસરી ગયો હતો. આ બનાવથી વડાળા અને અજાબ ગામનાં આગેવાનો હોસ્પિટલે દોડી ગયા હતાં અને પરિવારજનોએ સાંત્વનાં આપી હતી. મૃતદેહનો  મલાજો જળવાઇ રહે તે માટે મૃતદેહને ઢાકવા સામાજીક કાર્યકર હિતેષભાઇ ઠકરારે સફેદ કાપડની વ્યવસ્થા કરી આપી હતી.