હુમલો:ભેંસાણમાં જુના મનદુ:ખમાં મહિલા પર બાઇક ચડાવી દીધું

ભેંસાણમાં કોર્ટમાં આવેલા મહિલા પર સામે વાળાએ બાઇક ચડાવી હૂમલો કર્યો હતો. મહિલાને ઇજા પહોંચતા સારવારમાં ખસેડવામાં આવ્યાં હતાં.બનાવની મળતી વિગત મુજબ ભેંસાણનાં સાંકરોળા ગામે રહેતા શારદાબેન પ્રવિણભાઇ કથીરિયા કોર્ટમાં તારીખ હોય આવ્યાં હતાં.

ત્યારે સામે વાળા સુરેશભાઇ મનસુખભાઇ વઘાસિયાએ શારદાબેન ઉપર ઇરાદાપુર્વક બાઇક ચડાવી દઇ અકસ્માત કરી નાસી ગયો હતો. આ ઉપરાંત રાજેશભાઇ, બીજલભાઇ, મનસુખભાઇ, અંબાભાઇ વઘાસીયાએ મળી હુમલો કર્યો હતો. મહિલાને 108ની મદદથી સારવારમાં ખસેડવામાં આવ્યાં હતાં. આ અંગે શારદાબને પોલીસ ફરીયાદ નોંધાવી છે.