આયોજન:2 વર્ષ બાદ પરબધામ ખાતે અષાઢી બીજના દિવસે મેળો

ભેંસાણ નજીકનાં પરબધામ ખાતે અષાઢી બીજની ઉજવણીને લઈને તૈયારીઓ શરૂ કરી દેવાઈ છે. છેલ્લા બે વર્ષથી કોરોના મહામારીના લીધે પરબધામ ખાતે અષાઢી બીજની ઉજવણી થઈ ન હતી. જો કે, હાલ સ્થિતી સામાન્ય થતા અષાઢી બીજની ઉજવણી 1 જુલાઈના કરવામાં આવશે અને મેળાને લઈ પણ તૈયારીઓ શરૂ કરી દેવાઈ છે.

મહંત પૂ.કરશનદાસ બાપુ, ગુરુ સેવાદાસ બાપુના સાનિધ્યમાં યોજાતા આ કાર્યક્રમમાં 10 લાખથી વધુ ભાવિકો ઉમટી પડશે. સીસીટીવી, પોલીસ બંદોબસ્ત, સ્વયં સેવકો મેળામાં કોઈ અવ્યવસ્થા ઉભી ન થાય તેમને લઈ અત્યારથી કામગીરી શરૂ કરી દીધી છે. આ દિવસે સંતવાણી, વિવિધ ધાર્મીક કાર્યક્રમોનું પણ આયોજન કરાયું હોવાનું જાણવા મળે છે.