શિક્ષણ વિભાગ:25 દિવસમાં 1245 શિક્ષકોએ 282400 પેપરની ચકાસણી કરી

જિલ્લામાં 25 દિવસમાં 1245 શિક્ષકોએ ધોરણ 10 અને 12ના 282400 પેપરની ચકાસણી કરી છે. અહીં 17 કેન્દ્ર પર  જિલ્લા શિક્ષણ વિભાગે પેપર ચકાસણી પૂર્ણ કરી ગાંધીનગર શિક્ષણ માર્ક સાથે જવાબપત્ર પરત મોકલી આપ્યા હતા. અમરેલી જિલ્લા શિક્ષણ વિભાગના જી.એમ.સોલંકીએ જણાવ્યું હતું કે, માર્ચ મહિનામાં ધોરણ 10 અને 12ની બોર્ડની પરીક્ષા લેવામાં આવી હતી. અહીં લોકડાઉનમાં શિક્ષકોને પેપર ચકાસણી માટે ઓર્ડર આપી દેવામાં આવ્યા હતા. જિલ્લામાં હાલ ધોરણ  10 અને 12ના બોર્ડના પેપર ચકાસણીની કામગીરી પૂર્ણ કરી દેવામાં આવી છે. અહીં માધ્યમિકમાં અમરેલી 4, આંકડીયા 1, ધારી 1, લાઠી 1અને રાજુલા કેન્દ્ર પર 674 શિક્ષકોએ 211900  પેપરની ચકાસણી કરી હતી. તેમજ માધ્યમિક અને ઉચ્ચતર માધ્યમિકમાં અમરેલીમાં 4, વડીયા 2 વાંકીય 1, લાઠી 1 અને  લીલીયા 1 કેન્દ્ર પર 571 શિક્ષકોએ 70582 પેપરની ચકાસણી કરી હતી.  જિલ્લામાં 16 એપ્રિલથી 10 મે સુધીમાં 17 કેન્દ્ર પર  1245 શિક્ષકોએ 282400 પેપરની ચકાસણી કરી હતી.