ક્રાઇમ:અમરેલીમાં છેલ્લા પાંચ માસથી દુષ્કર્મના ગુનામાં ફરાર શખ્સ ઝડપાયો

પાંચ માસથી દુષ્કર્મના  ગુનામાં નાસતા શખ્સને સીટી પોલીસે ઝડપી લીધો હતો. અહીં આરોપી રાજકોટથી શહેરમાં કોઈની પરમીશન વગર પ્રવેશ કર્યો અને પોલીસની ઝપટે ચડી ગયો હતો. સીટી પોલીસમાં  5 માસ પહેલા નિર્મળ ઉર્ફે હકો ભીખાભાઇ બૌવા સામે દુષ્કર્મની ફરિયાદ નોંધાઇ હતી. જે બાદ આ શખ્સ પોતાની ધરપકડથી બચવા માટે નાસી રહ્યો હતો. અહીં સીટી પોલીસની ટીમ ફોરવર્ડ સર્કલ પાસે પેટ્રોલીંગમાં હતી. ત્યારે નિર્મળ ઉર્ફે હકો બૌવા ચાલીને આવતો હતો. જેની પૂછપરછ કરતા રાજકોટથી કોઈની પરમીશન વગર આવ્યો હોવાનું ખુલ્યું હતું. જે બાદ તપાસ કરતા આ શખ્સ સામે 5 માસ પહેલા બળાત્કારની ફરિયાદ નોંધાઇ હતી. દુષ્કર્મના શખ્સનું ચેકઅપ કરી જેલ હવાલે કરાયો હતો.