લોકડાઉનનો ભંગ:અમરેલી જિલ્લામાં 161 લોકો સામે લોકડાઉન ભંગ સબબ 110 ફરિયાદ

દેશમાં કોરોના વાયરસના હાહાકારથી લોકડાઉન જાહેર કરવામાં આવ્યું છે. અમરેલીમાં પણ એક મહિલાને કોરોના પોઝીટીવ આવતા વહીવટી તંત્ર અને પોલીસ સતર્ક બની છે. અહીં 13મેના રોજ એક જ દિવસમાં ચલાલા, વડીયા, વંડા, દામનગર, લાઠી, જાફરાબાદ, બગસરા, બાબરા, કુંડલા ટાઉન, અમરેલી તાલુકા અને સીટી, ધારી તેમજ રાજુલા પોલીસ સ્ટેશનમા 38 લોકો સામે હોમ કોરેન્ટાઈન્સમાં હોવા છતાં પણ ઘરની બહાર નીકળતા 37 ફરિયાદ નોંધાઈ હતી. તેમજ જિલ્લાના 19 પોલીસ સ્ટેશન વિસ્તારમાં  એક જ દિવસમાં 161 લોકો સામે લોકડાઉન ભંગ સબબ 110 ફરિયાદ નોંધાઇ હતી.  અહીં કારણ વગર માર્ગો પર લટાર મારવા નીકળેલા 54 વાહન ચાલકોના વાહન ડિટેઇન કર્યા હતા. 

પોલીસે 110 ગુનાઓ નોંધી કાર્યવાહી કરી
જિલ્લામાં 23 વેપારીઓ  ગ્રાહકો સાથે સોશ્યલ  ડિસ્ટન્સ જાળવતા, 22 લોકો બિનજરૂરી આંટાફેરા મારતા, 32 વ્યક્તિ જાહેરમાં એકત્રીત થતા, 6 શખ્સ જિલ્લા મેજિસ્ટ્રેટના જાહેરનામાંનું ઉલ્લંઘન કરતા, 40 લોકો અન્ય જિલ્લામાંથી ગેરકાયદેસર પ્રવેશ કરતા અને 38 વ્યક્તિ હોમ કોરોન્ટાઈન્સ હોવા છતાં પણ ઘરની બહાર નીકળતા પોલીસની ઝપટે ચડી ગયા હતા. તેમની સામે પોલીસે 110 ગુનાઓ  નોંધી કાર્યવાહી કરી હતી.