કાર્યવાહી:શહેરમાં દારૂના ગુનામાં આરોપી ઝબ્બે

જામનગરમાં સીટી સી પોલીસ મથકના પ્રોહિબિશનના ગુનામાં એક વર્ષથી નાસતા ફરતા આરોપીને એસઓજી ટીમે બાતમીના આધારે સમર્પણ સર્કલ પાસેથી દબોચી લીઘો હતો. જેને સીટી સી પોલીસને હવાલે કરાયો છે. જામનગરમાં એસઓજીના પી.આઇ. એસ.એસ.નિનામાના માર્ગદર્શન હેઠળ પીએઆઇ વી.કે.ગઢવી અને ટીમ પેટ્રોલિંગ કરી રહી હતી ત્યારે સ્ટાફના રવિભાઇ બુજડ, હિતેશભાઇ ચાવડા અને હર્ષદભાઇ ડોરીયા સહિતની ટીમને સીટી સી પોલીસમથકના દારૂના એકગુનામાં નાસતા ફરતા આરોપી વિશે બાતમી મળી હતી જેના આધારે પોલીસ ટીમ દોડી જઇ ત્વરીત દોડી જઇ ત્યાં તપાસ કરતા આરોપી બાબર ઉર્ફે સલીમ હાજી ઇસ્માઇલ મળી આવ્યો હતો.

પોલીસે દારૂના ગુનામાં એકાદ વર્ષથી નાસતા ફરતા મુળ ધોરાજીના સંધારીયા બજાર પાસે રહેતા આ આરોપીને સકંજામા લીધો હતો અને તેનો કોવિડ રીપોર્ટ કરાવ્યો હતો જે નેગેટીવ આવતા તેની વિધિવત અટકાયત કરી તેનો કબજો સીટી સી પોલીસને સુપરત કરાયો છે.