કાર્યવાહી:જામજોધપુરમાં વરલીના આંકડાનો જુગાર ઝડપાયો

જામજોધપુરમાં રેલ્વે સ્ટેશન નજીક સ્થાનીક પોલીસે વર્લીના આંકડાનો જુગાર રમતા એક શખસને પકડી પાડી રોકડ અને સાહિત્ય કબજે કર્યુ હતું. જામજોધપુરમાં સ્થાનિક પોલીસની ટીમે પેટ્રોલીંગવેળાએ શહેરના રેલવે સ્ટેશન નજીક રોકડીયા હનુમાનજી મંદિર પાસેના વિસ્તારમાંથી વિશાલગીરી ઉર્ફે બાલી રાજેશગીરી ગોસ્વામી (રે. રાજાણી પ્લોટ, સ્ટેશન રોડ) ને વર્લીના આંકડાના જુગાર અંગે પકડી પાડયો હતો. પોલીસે તેના કબજામાંથી રૂા. 1190ની રોકડ રકમ ઉપરાંત વર્લીનું સાહિત્ય કબજે કરી લઇ તેની સામે જુગારધારા હેઠળ ગુનો નોંધી પુછપરછ સાથે વધુ તપાસ હાથ ધરી છે.