ધરપકડ:જામજોધપુરમાં વરલીના જુગારનું નેટવર્ક, 1 ઝબ્બે

જામજોધપુર શહેરમાંથી સ્થાનિક પોલીસે વર્લીના જુગારનુ નેટવર્ક પકડી પાડી એક વૃધ્ધને દબોચી લીઘા હતા જેના કબજામાંથી રોકડ અને સાહિત્ય કબજે કર્યુ હતુ.પોલીસની પુછપરછમાં વધુ પાંચ શખ્સના નામ ખુલતા તેની શોધખોળ હાથ ધરાઇ છે. પોલીસસુત્રોમાંથી મળતી વિગત મુજબ જામજોધપુર શહેરમાં પોલીસે પેટ્રોલિંગ વેળાએ વાછાણી સાયકલસ્ટોરવાળી ગલી, લક્ષ્મીનારાયણ મંદિર પાસે જાહેર માર્ગ પર વર્લી મટકાના આંકડા લખી રહેલા કિરીટભાઇ હરીલાલ કોટકને પકડી પાડી તેના કબજામાંથી રોકડ રકમ ઉપરાંતબે સ્લીપ સહિત વર્લીનુ સાહિત્ય પણ કબજે કર્યુ હતુ.

પકડાયેલા શખ્સની પ્રાથમિક પુછપરછમાં વધુ પાંચ રાજુ બકતારીયા(રે.જામજોધપુર), રોહિત (રે.મેવાસા આંબરડી), કોટડાવાળા કાકા તથા કોટડાવાળા દરજીબાપા તેમજ પારસ નામ ખુલતા પોલીસે તમામને ફરારી જાહેર કરી તેની સામે જુગારધારા હેઠળ ગુનો નોંધ્યો હતો.વર્લીના જુગારના આ બનેલા બનાવમાં પોલીસે પાંચેય શખ્સોની આગવીઢબે શોધખોળ માટે જુદી જુદી દિશામાં તપાસના ચક્રો ગતિમાન કર્યા છે.