અકસ્માત:કાલાવડ પાસે બાઈકથી પટકાતા મહિલાનું મોત

રાજકોટ ધોરીમાર્ગ પર મંદિર પાસે પસાર થતા એક બાઇક પર બેઠેલા મહિલાનુ ચકકર આવતા નીચે પટકાઇ પડતા માથા સહિત શરીરે ગંભીર ઇજા થવાથી સારવારમાં મૃત્યુ નિપજયુ હતુ.અકસ્માતનો ભોગ બનેલા મહિલા રાજકોટના રહીશ હોવાનુ સામે આવ્યુ છે.રાજકોટના ગોકુલધામ સોસાયટીમાં રહેતા નીરૂબેન ભુપતભાઇ પરમાર (ઉ.વ. 52) નામના પ્રૌઢ મહિલા ગત તા.11ના રોજ બાઇક પાછળ બેસી કાલાવડ-રાજકોટ ઘોરીમાર્ગ પર પસાર થઇ રહયા હતા

ત્યારે તેને અચાનક ચકકર આવતા બાઇકમાંથી નીચે પટકાઇ પડયા હતા. માથા સહિત શરીરના ભાગે ગંભીર ઇજા થતા તુરંત હોસ્પીટલમાં ખસેડાયા હતા જયાં એકાદ દિવસની સારવાર દરમિયાન તેનુ મૃત્યુ નિપજયુ હતુ. બનાવની મૃતકના પુત્ર વિજયભાઇ ભુપતભાઇ પરમારે જાણ કરતા કાલાવડ ગ્રામ્ય પોલીસની ટીમ દોડી ગઇ હતી.પીએમ કરાવી નિવેદન નોંધી વધુ તપાસ હાથ ધરી છે.