હાલાકી:ચાંદીબજારમાં લાઇન લીકેજથી પાણીનો વેડફાટ, માર્ગ પર તલાવડા

જામનગરમાં ચાંદીબજારમાં પાઇપલાઇન લીકેજથી પાણીનો વેડફાટ થતાં માર્ગ પર તલાવડા ભરાયા હતાં. મનપાની ઢીલી કામગીરીથી પાણીના ફુવારા ઉડયા હતાં. પાણી વિતરણ સમયે લીકેજ થયું હતું. મહાપાલિકા દ્વારા પાઇપલાઇન લીકેજ અટકાવવા 5 કલાક સમારકામ કામગીરી ચાલી હતી.

જામનગરના ચાંદીબજાર વિસ્તારમાં મંગળવારે સવારે 9 કલાકની આસપાસ પાણી વિતરણ સમયે જ વાલ્વની બાજુમાં પાઈપ લાઈનમાં લીકેજ થયું હતું. પરિણામે પાણીનો વેડફાટ થયો હતો. જેના કારણે માર્ગ પર તલાવડા ભરાયા હતાં. આમ તો ચાર-પાંચ દિવસથી વાલ્વ રીપેરીંગ માટે ખાડો કરાયો હતો.

પરંતુ મરામત માટે તંત્રએ દરકાર લીધી ન હતી. આથી મંગળવારે વધારે લીકેજ થતા પાણીના ફૂવારા ઉડયા હતાં. મહાનગરપલિકાથી વોટર વર્કસ શાખાનો સ્ટાફ દોડી ગયો હતો અને મરામત કામગીરી હાથ ધરી હતી. જે બપોરે 2 કલાકે પૂર્ણ થઇ હતી.