ધરપકડ:જામનગરમાં વાહનચોરીનો ભેદ ઉકેલાયો, 1 ઝડપાયો, LCBએ ચોરાઉ સ્કુટર સાથે દબોચી લીધો

જામનગર4 મહિનો પહેલા
  • કૉપી લિંક
પ્રતિકાત્મક તસવીર - Divya Bhaskar
પ્રતિકાત્મક તસવીર

જામનગરમાં સમર્પણ સર્કલ પાસે એક સ્કુટરની ચોરીના બનાવનો ભેદ પોલીસે ઉકેલી નાખ્યો છે જેમાં સ્થાનિક ગુના શોધક શાખાએ ચોરાઉ સ્કુટર સાથે એક શખસને દબોચી લીઘો હતો.શહેરના સમર્પણ સર્કલ પાસે એક નોકરીયાત મહિલાએ પોતાનુ સ્કુટર ગત તા.22ના રોજ પાર્ક કર્યુ હતુ જે એકિટવા સ્કુટર કોઇ અજાણ્યો શખસ ચોરી કરી લઇ ગયાનો બનાવ બહાર આવ્યો હતો જેની ફરીયાદ પોલીસ મથકમાં નોંધાઇ હતી.પોલીસ દ્વારા વાહન ઉઠાવગીરને પકડી પાડવા તપાસ હાથ ધરાઇ હતી.

જે દરમિયાન એલસીબીના પી.આઇ.એસ.એસ. નિનામાના માર્ગદર્શન હેઠળ પોલીસ ટુકડી પેટ્રોલિંગ કરી રહી હતી જે વેળાએ સ્ટાફના સંજયસિંહ વાળા, દિલીપભાઇ તલાવડીયા અને હિતેન્દ્રસિંહ જાડેજા સહિતની ટીમને ઉકત ચોરાઉ વાહન સાથે એક શખસ ખોડીયાર કોલોની વિસ્તારમાં હોવાની માહિતી મળી હતી જે બાતમીના આધારે પોલીસ ટુકડીએ વોચ ગોઠવીને રૂપેશ શ્યામુભાઇ યાદવ (રે.વાયુનગર,જામનગર)ને પકડી પાડયો હતો જેના કબજામાંથી ચોરાઉ એકિટવા સ્કુટર પણ પોલીસે કબજે કરી તેનો કબજો સીટી સી પોલીસ મથકને સુપરત કર્યો હતો.

અન્ય સમાચારો પણ છે...