અકસ્માત:મોટરકારની ઠોકરે બાઇક સવાર બે યુવાન ઘાયલ, જામનગર-ખંભાળિયા ધોરીમાર્ગનો બનાવ, અકસ્માત સર્જી કાર મુકી ચાલક ફરાર

જામનગર-ખંભાળિયા ધોરીમાર્ગ પર મોટરકારે ઠોકર મારતા બાઇક સવાર બે યુવાનને ઇજા પહોંચ્યાની ફરિયાદ પોલીસમાં નોંધાઇ છે. સિકકા ભગવતી સોસાયટીમાં રહેતો અને નોકરી કરતો ચેતન મુકેશભાઇ મકવાણા(ઉ.વ.26) મોટરસાયકલ નં. જીજે10 ડીજી3646 માં નિતિનભાઇ સાથે ગત તા.2 ના રાત્રીના જામનગરથી સિકકા ઘેર પરત ફરી રહ્યો હતો ત્યારે ધોરીમાર્ગ પર હોટલ જય ઠાકર સામે પાછળથી આવતી મોટરકાર નં. જીજે06સીએમ 1962 ના ચાલકે મોટરસાયકલને પાછળથી ઠોકર મારી હતી. આથી ચેતન અને નીતિન બંનેને ઇજા પહોંચી હતી. બનાવ અંગે ચેતને ફરિયાદ નોંધાવતા પોલીસે અકસ્માત બાદ કાર છોડી નાસી છૂટેલા ચાલક સામે ગુનો નોંધી તેની શોધખોળ હાથ ધરી છે.