ક્રાઇમ:ધ્રોલમાં મકાનમાંથી દારૂની 8 બોટલ સાથે બે ઝડપાયા

ધ્રોલના ત્રિકમવાસ વિસ્તારમાં પોલીસે એક મકાનમાં દરોડો પાડી ઇગ્લીશ દારૂની 8 બોટલ સાથે બે શખસોને પકડી પાડયા હતાં, પોલીસે પકડાયેલા બન્ને શખસોની પુછપરછના ચક્રો ગતિમાન કર્યા છે. પોલીસ સૂત્રોમાંથી સાપડતી વિગત અનુસાર ધ્રોલના ત્રિકમવાસ વિસ્તારમાં આવેલા એક મકાનમાં ઇંગ્લીશ દારૂના વેચાણ મામલે પોલીસને બાતમી મળી હતી, જેના આધારે પોલીસે વૈભવ કિશોરભાઇ વાઘેલાના મકાનમાં દરોડો પાડયો હતો. જે દરોડાવેળાએ ઇગ્લીશ દારૂની 8 બોટલ મળી આવી હતી.

આથી પોલીસે રૂા. 4 હજારની કિમતનો દારૂ કબજે કરી વૈભવ વાઘેલા અને લલીત ભીમજીભાઇ પારઘીને પકડી પાડી બન્ને સામે પ્રોહિબીશન એકટ મુજબ ગુનો નોંધ્યા હતો. પકડાયેલા બન્ને શખસોની ઘનિષ્ઠ પુછપરછ સાથે વધુ તપાસ પોલીસે હાથ ધરી છે. આ દારૂનો જથ્થો કયાંથી ? અને કોની પાસેથી મેળવ્યો છે ? સહિતની બાબતોનો તાગ મેળવવા માટે પોલીસે તે દિશામાં તપાસ હાથ ધરી છે.