NSUIનો દરોડો:કોરોનાકાળમાં સ્કૂલો બંધ છતાં ટ્યૂશન ક્લાસ ચાલુ રાખ્યા હતા

જામનગરમાં કોરોનાકાળમાં પણ શટર બંધ કરી ચાલતા ટ્યુશન ક્લાસ પર એનએસયુઆઈ અને યુથ કોંગ્રેસે જનતા રેડ કરી હતી.જેમાંશટર બંધ કરી ધોરણ 12 ની પરીક્ષા લેવાતી હતી આથી યુથ કોંગ્રેસ અને એનએસયુઆઈએ ટ્યુશન ક્લાસ બંધ કરાવ્યું હતું. જામનગરમાં આયુર્વેદ યુનિવર્સિટી સામે રાધે કૃષ્ણ એવન્યુમાં કાર્યરત સુપર ગ્રેવિટી ટ્યુશન ક્લાસ ચાલી રહ્યો હોવાની ફરિયાદો ઉઠી હતી.

આથી એનએસયુઆઇ અને યુથ કોંગ્રેસના કાર્યકરોએ ગુરુવારે સાંજે ટ્યુશન ક્લાસમાં જનતા રેડ કરી હતી. ટ્યુશન ક્લાસ નું સટર બંધ કરી ધોરણ 12 ની પરીક્ષા વિદ્યાર્થીઓ આપી રહ્યા હોવાનું ખુલ્યું હતું. સાથે સાથે ટ્યૂશન કલાસના સંચાલકને કોરોના ની નવી ગાઇડલાઇન ન આવે ત્યાં સુધી ટ્યુશન ક્લાસ બંધ રાખવા અનુરોધ કર્યો હતો.