પોલીસની તપાસ:શાપરમાં 7 માસના ભ્રૃણને મૃત હાલતમાં ત્યજી દીધુ

જામનગર તાલુકાના શાપર ગામે નિષ્ઠુર જનતાએ પોતાનું પાપ છૂપાવવા 7 મહિનાના બાળકતે મૃત હાલતમાં બાવળની કાંટાળી વાડમાં ત્યજી દેતાં ભારે ચકચાર જાગી છે. બનાવ અંગે પોલીસે અજાણી સ્ત્રી સામે ગુનો નોંધી તપાસ હાથ ધરી છે. જામનગર નજીક આવેલા શાપર ગામે પટેલ સમાજની વાડી સામે આવેલી અશ્વીનભાઇ પટેલની વાડીની સામે આવેલી બાવળની કાંટાળી વાડમાંથી ગુરૂવારે સવારે બાળકનો મૃતદેહ મળી આવ્યો હતો.

બનાવની જાણ જતાં પોલીસે તપાસ હાથ ધરી હતી. જેમાં કોઇ અજાણી સ્ત્રીએ બાળકને જન્મ આપી પોતાનું પાપ છૂપાવવા 6 થી 7 મહિનાના બાળકને મૃત હાલતમાં બાવળની કાંટાળી વાડમાં ત્યજી દીધું હતું. બનાવ અંગે પોલીસે અજાણી સ્ત્રી સામે ગુનો નોંધી તપાસ હાથ ધરી છે. નાના એવા શાપર ગામે અજાણી સ્ત્રીએ સાતેક મહિનાના બાળકને મૃત હાલતમાં તરછોડી દેતાં ચકચાર જાગી છે.