નવતર પ્રયોગ:જામનગર જિલ્લા ચૂંટણી તંત્રએ વધુ મતદાન થાય તે માટે વિવિધ બિલો પર મતદાન જાગૃતિના સિક્કા લગાવ્યાં

જામનગર10 દિવસ પહેલા
  • કૉપી લિંક

જામનગરમાં આગામી વિધાનસભા સામાન્ચ ચૂંટણીમાં વધુમાં વધુ મતદાન થાય તે માટે વહિવટી તંત્ર દ્વારા અનેક પ્રયાસ કરવામાં આવી રહ્યા છે. જામનગર જિલ્લામાં તા.1-12-2022ના રોજ મતદાન યોજાનાર છે. ત્યારે જિલ્લા ચૂંટણી અધિકારી ડો.સૌરભ પારઘીના વડપણ હેઠળ જામનગર જિલ્લા વહીવટી તંત્ર દ્વારા મતદાર જાગૃતિ માટે વિવિધ પ્રયાસો હાથ ધરવામાં આવી રહ્યા છે.

ગેસ સિલીન્ડર, પાણીની બોટલ ઉપર મતદાર જાગૃતિ સ્ટીકર્સ, દિવ્યાંગો માટે ખાસ ક્રિકેટ મેચ, એન.સી.સી., એન.એસ.એસ. કેડેટસ દ્વારા મતદાર જાગૃતિ રેલી, શાળામાં ભણતા બાળકો દ્વારા વાલીઓ પાસે સંકલ્પપત્રોમાં સહી, 'ભૂલતા નહીં ... 'થીમ આધારિત હોર્ડીંગ્સ અને ડીજીટલ ડીસ્પલે, ઈલેકટ્રોનિકસ મોલમાં આવેલ ટેલિવિઝન પર મતદાર જાગૃતિના વિડીયો ચલાવવા જેવી બહુવિધ કામગીરીઓ કરવામાં આવી છે.

તાજેતરમાં જ બહોળી સંખ્યામાં મતદાર જાગૃતિ સંદેશ લોકો સુધી પહોંચાડી શકાય તે માટે જિલ્લા ચૂંટણી તંત્ર દ્વારા નવતર પ્રયાસ હાથ ધરાયો છે. જેમાં શોપિંગ મોલ્સના બીલો, એલ.આઈ.સી. રસીદ, મહાનગરપાલિકાની વેરા પહોંચ, ગેસ સીલીન્ડરના બીલ્સ, રણમલ તળાવની ટીકીટ, પોસ્ટ વિભાગ દ્વારા વિતરણ કરવામાં આવતી ટપાલના કવર્સ, બી.એસ.એન.એલ. બીલ્સ, તેમજ પી.જી.વી.સી.એલ. બીલ્સ પર મતદાર જાગૃતિના સિકકા લગાવી મતદાર જાગૃત અંગે નો એક નવતર અને પ્રેરક પ્રયાસ હાથ ધરેલ છે.

અન્ય સમાચારો પણ છે...