મેળાની મોજ માણવા તૈયાર રહેજો:જામનગર શહેરમાં બે વર્ષ બાદ શ્રાવણી લોકમેળો યોજવા સ્ટેન્ડિંગ કમિટીનો નિર્ણય

જામનગર17 દિવસ પહેલા
  • કૉપી લિંક
  • આ વખતે પ્રદર્શન ગ્રાઉન્ડ-રંગમતી નદીના પટ્ટ ઉપરાંત અન્ય બે સ્થળોએ સિંગલ મેળાનું આયોજન

જામનગર શહેરમાં વર્ષોથી શ્રાવણ મહિનાની સાતમ-આઠમ અને નોમના ત્રિદિવસીય મેળાનું આયોજન થાય છે. લોકો ઉત્સાહપૂર્વક મેળાની ઉજવણી કરતા હોય છે. પરંતુ, કોરોનાના કારણે છેલ્લા બે વર્ષથી જામનગરમાં મેળાનું આયોજન થયું ન હતું. હાલ કોરોના કંટ્રોલમાં હોય અને વેક્સિનેશન પણ નોંધપાત્ર થયું હોવાથી જામનગર મનપાએ ચાલુ વર્ષે લોકમેળાનું આયોજન કરવાનો નિર્ણય કર્યો છે.

જામનગર ચાર સ્થળો પર મેળો યોજવાનો નિર્ણય
જામનગરમાં વર્ષોથી રંગમતી નદીના પટ્ટમાં શ્રાવણી લોકમેળાનું આયોજન થતું. પરંતુ, આ જગ્યા ટૂંકી પડતા છેલ્લા કેટલાક વર્ષોથી પ્રદર્શન મેદાનમાં મેળાનું આયોજન કરવામાં આવે છે. જો કે, છેલ્લા કેટલાક વર્ષોથી પ્રદર્શન મેદાનની સાથે રંગમતી નદીના પટ્ટમાં પણ મેળાનું આયોજન શરૂ કરાયું છે. ચાલુ વર્ષે મનપાએ રંગમતી નદીના પટ્ટ, પ્રદર્શન ગ્રાઉન્ડ ઉપરાંત અન્ય બે સ્થળો પર મેળો યોજવાનો સ્ટેન્ડિંગ કમિટીમાં નિર્ણય કર્યો છે.

ફાઈલ તસવીર
ફાઈલ તસવીર

જામનગરવાસીઓ પરિવાર સાથે મેળાની મોજ માણતા હોય છે
જામનગરમાં વર્ષોથી સાતમ-આઠમ-નોમના ત્રિદિવસીય મેળાની ઉજવણી થાય છે. આ મેળો શહેરીજનો સહપરિવાર માણતા હોય છે. જામનગર શહેર ઉપરાંત ગ્રામ્ય વિસ્તારના લોકો પણ પણ મેળો માણવા પહોંચતા હોય છે.

રણમલ તળાવ, ખંભાળીયા ગેઈટ - 3 વર્ષના વાર્ષિક કોન્ટ્રાક્ટ પાછળ રૂા.2.31 કરોડનો ખર્ચ થશે

  • ​​​​​​​1.81 કરોડના ખર્ચે વોર્ડ નં.2માં જલારામનગરથી ગાંધીનગર સ્મશાન સુધી સ્ટ્રોમ વોટર આરસીસી બોક્સ કેનાલ બનશે.
  • ગુલાબનગર ઓવરબ્રીજથી ધૂંવાવ સુધી સેન્ટ્રલ લાઈટીંગ વર્ક અન્ય સ્થળે ફેરબદલ કરવાની દરખાસ્ત મંજૂર કરી હવે મહાપ્રભુજી બેઠકથી ઠેબા બાયપાસ સુધી સેન્ટ્રલ લાઈટનું કામ કરવામાં ​​​​​આવશે.
  • એલઈડી પ્રોજેક્ટ અન્વયે કન્સલ્ટન્ટસી વર્ક પૂર્ણ કરવાની દરખાસ્તમાં રૂ.5.59 લાખ ચૂકવીને કોન્ટ્રાક્ટ સમાપ્ત કરાશે.
  • 15 માં નાણાંપંચની ગ્રાન્ટ અન્વયે મ્યુનિ. સભ્યોને ફાળવવામાં આવેલી એલઈડી ફિટીંગ સપ્લાય તથા ઈન્સ્ટોલેશન વર્ક અંગે રૂ.23.24 લાખનો ખર્ચ કરાશે
  • કામદારો માટે રેઈનકોટની સુવિધા માટે 16.38 લાખનો ખર્ચ થશે
  • ઓપરેશન એન્ડ મેઈન્ટેન્સ ઓફ સીસી ટીવી સીસ્ટમ, સાઉન્ડ, ઈન્ટરકોમ, તળાવની પાળે તથા પંચેશ્વર ટાવર ક્લોક એન્ડ લેન્ડ સ્કેપ ક્લોક રણમલ તળાવના કામ માટે રૂ.10.17 લાખનો ખર્ચ.
  • પોલીસ હેડ કવાટર્સ પાછળ, શરૂ સેકશન રોડ પર આવેલી જગ્યામાં ઈડબલ્યુએસ-2 ટાઈપના 544 આવાસ બનાવવા માટે રૂ.66.42 કરોડ ખર્ચાશે. 71 દુકાન પણ બનાવવામાં આવશે.
  • સમર્પણ સર્કલથી વુલનમીલ, નંદ વિદ્યાનિકેતન સ્કુલ થઈ બેડી જંકશન સુધીના ફોર લેન બાઈડનીંગ પર રૂ.11.60 કરોડના ખર્ચે રિ-કાર્પેટીંગ કરાશે.
  • હાપા માર્કેટીંગ યાર્ડ પાસેના મુખ્ય રોડ પર હૈયાત મેટલ રોડ પર આસ્ફાલ્ટ કાર્પેટીંગના કામ અંગે રૂ.4.81 કરોડનો ખર્ચ મંજુર.
  • ઘાંચી કોલોની લાલપુર રોડના 96 આવાસ યોજનાને ડો. એ.પી.જે અબ્દુલ કલામ ભવન અને બેડી ઓવરબ્રીજ પાસેના 272 આવાસ યોજનાને વિર સાવરકર ભવન નામ અપાશે.

પાઇપલાઇન અને લેબર વર્ક માટે રૂા.10.32 કરોડ ખર્ચાશે
15માં નાણા પંચની ગ્રાન્ટ અન્વયે જુદા જુદા વિસ્તારમાં આંતરીક પાઈપ લાઈન નેટવર્ક અંતર્ગત 100 એમએમ ડાયાથી 750 એમએમડાયા સુધી ડીઆઈ કે-7 આંતરીક પાઈપ લાઈન તથા સંલગ્ન માલ-સામાન સપ્લાય તથા લેબર વર્કના કામ અંગે રૂ.10.32 કરોડનો ખર્ચ મંજુર કરાયો હતો. મુખ્યમંત્રી શહેરી સડક યોજનાની ગ્રાન્ટ અન્વયે શહેરના આંતરિક રસ્તા ઉપર આસ્ફાલ્ટ પેચવર્ક, રી-સર્ફેસીંગ કરવાના કામ માટે રૂ.1.10 લાખનો ખર્ચ મંજુર કરાયો હતો.

અન્ય સમાચારો પણ છે...