અવસાન:મોટી ગોપમાં ખાટલા પરથી પટકાતાં વૃદ્ધનું મોત

જામજોધપુર તાલુકાના મોટી ગોપ ગામે રહેતા વયોવૃધ્ધ ઘરે ખાટલા પરથી પડી જતા સપ્તાહની સારવાર દરમિયાન તેનુ મૃત્યુ નિપજયુ હતુ.મોટી ગોપ ગામે રહેતા અને નિવૃત્ત જીવન વ્યતિત કરતા જુસુબભાઇ સીદીભાઇ કાતેલીયા (ઉ.વ. 80) નામના વૃધ્ધ ગત તા.26ના રોજ સવારે ઘરે ખાટલામાંથી ઉભા થવા જતા વૃધ્ધાવસ્થાના કારણે પડી ગયા હતા. આથી તેઓને તુરંત સારવાર અર્થે હોસ્પીટલમાં ખસેડવામાં આવ્યા હતા. જયાં લગભગ એકાદ સપ્તાહની સારવાર દરમિયાન તેનુ મૃત્યુ નિપજયુ હતુ. આ બનાવની કરીમભાઈ જુસબભાઈ કાતેલિયાએ પોલીસને જાણ કરાતા જામજોધપુર પોલીસની ટીમે દોડી જઈ વધુ તપાસ હાથ ધરી છે.