નિર્ણય:જામનગર મનપાનું બજેટ આગામી સપ્તાહે રજૂ થશે

જામનગર મહાનગરપાલિકાનું વર્ષ 2021-2022નું વાર્ષિક અંદાજપત્ર આગામી સપ્તાહમાં રજૂ થવાનું છે.પ્રતિ વર્ષ જામનગર મહાનગરપાલિકા કમિશનર દ્વારા તા.31 જાન્યુઆરીના વાર્ષિક અંદાજ પત્ર સ્ટેન્ડીંગ કમિટી સમક્ષ રજૂ કરવામાં આવે છે, પરંતુ હાલ વહીવટદાર શાસન હોવાથી અંદાજપત્ર રજૂ થઈ શક્યું નથી.

આથી કમિશનર દ્વારા આગામી તા.7 અથવા 8ના અંદાજપત્ર સેક્રેટરી સમક્ષ રજૂ થશે ત્યાર પછી બે અંદાજપત્રને વહીવટદાર સમક્ષ રજૂ કરાશે. જો કે, અંદાજપત્રમાં કોઈ કર-દરમાં વધ-ઘટ થશે નહીં. એટલે કે આ અંદાજપત્ર ગત્ વર્ષ મુજબનું યથાવત્ રહેશે, જો કે વિભાગ વાઈસ બજેટ રકમમાં ફેરફાર શક્ય છે.