તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

તપાસ:આમરા બસ સ્ટેન્ડ પાછળથી અજાણ્યા વૃદ્ધનો મૃતદેહ મળ્યો

જામનગર15 દિવસ પહેલા
  • કૉપી લિંક
  • કોલ્ડ રૂમમાં ખસેડાયો, ઓળખ મેળવવા તજવીજ

જામનગર નજીક ખંભાળિયા હાઇવે પર આમરા બસ સ્ટેન્ડ પાછળ એક અજાણ્યા વૃધ્ધનો મૃતદેહ મળી આવતા પોલીસે તેને જી.જી. હોસ્પીટલમાં કોલ્ડરૂમમાં ખસેડી ઓળખ મેળવવા માટે તજવિજ હાથ ધરી છે.

જામનગર-ખંભાળિયા ઘોરીમાર્ગ પર આમરા બસ સ્ટેન્ડ પાછળ એક વૃધ્ધ મૃત હાલતમાં પડયા હોવાની જાણ થતા સિકકા પોલીસ ઘટનાસ્થળે દોડી ગઇ હતી.પોલીસે લગભગ પાંસઠથી સીતેર વર્ષ વય ધરાવતા વૃધ્ધના મૃતદેહનો કબજો સંભાળી જી.જી.હોસ્પીટલ ખાતે પોષ્ટમોર્ટમ અર્થે ખસેડયો હતો.જેને કોલ્ડરૂમમાં રાખી દેવાયો છે. શ્યામ વર્ણના પાતળા બાંધાના સફેદ ચોયણો-શર્ટ અને ગળામાં કાળો દોરો પહેલા મૃતક વૃધ્ધની ઓળખ મેળવવા માટે પોલીસે જુદી જુદી દિશામાં તપાસના ચક્રો ગતિમાન કર્યા છે.બિનવારસુ હાલતમાં સાંપડેલા મૃતક વિશે કોઇને કંઇ જાણ હોય તો સિકકા પોલીસ સ્ટેશન-0288 2344249 અથવા મો.નં.99986 56999 પર સંપર્ક સાધવા જણાવાયુ છે.

અન્ય સમાચારો પણ છે...