તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

ફરિયાદ:ઈન્કમટેક્સ ઈન્સ્પેકટરને બેંક મેનેજર સસરાએ ધમકી આપી

જામનગરએક મહિનો પહેલા
  • કૉપી લિંક
  • ‘હું જામનગર આવ્યો તો તને જીવતો નહીં છોડું’ એમ ધમકાવ્યા
  • સીટી-બી ડિવિઝન પોલીસ સ્ટેશનમાં સસરા સામે ફરિયાદ

જામનગરમાં ઈન્કમટેકસ ઈન્સ્પેકટરને બેંક મેનેજર સસરાએ ધમકાવી જાનથી મારી નાખવાની અને પરિવારને પણ પતાવી દેવાની ધમકી આપી હતી. આ પારિવરીક ઝઘડાનો મામલો પોલીસ સ્ટેશને પહોચ્યો હતો અને શહેરના સીટી બી ડિવિઝન પોલીસ દફતરમાં ફરિયાદ કરાતા સસરા સામે ગુનો નોંધવામાં આવ્યો હતો.

જામનગર ખાતેની ઈન્કમટેકસ ઓફિસમાં ઇન્સ્પેકટર તરીકે ફરજ બજાવતા રચિતભાઇ બિરેન્દ્રસિંહ યાદવે પોતાના દિલ્હી ખાતે રહેતા મુળ.હરિયાણાના સસરા વિજયપાલ મદનલાલ યાદવ સામે સીટી બી ડિવિઝન પોલીસ દફતરમાં ફરિયાદ નોંધાવી હતી. જેમાં આરોપી સસરાએ ગત તા.30ના રોજ ફોન કરીને જેમ-તેમ શબ્દો ઉચ્ચાર્યા હોવાનો તથા તું મારો ફોન કેમ નથી ઉપાડતો એમ કહી જો મારો ફોન ઉપાડ તો હું તેન કહુ અને હું જામનગર ખાતે આવી ગયો તો તને જીવતો નહી છોડુ એવી ધમકી આપી હોવાનો આરોપ લગાવ્યો છે. ઇન્કમટેકસ ઇન્સ્પેકટરના આરોપી સસરા દિલ્હી ખાતે આવેલી એસબીઆઇ બેંકમાં મેનેજર તરીકે ફરજ બજાવતા હોવાનું જાણવા મળ્યું છે.

સિટી-બી ડિવિઝન પોલીસે ગુનો નોંધી તપાસ હાથ ધરી છે. ઈન્કમટેક્સ ઈન્સ.ની પત્ની અને આરોપીની પુત્રી ઈન્સ્યોરન્સ કંપનીમાં કામ કરતી હોવાનું જાણવા મળ્યું છે.

અન્ય સમાચારો પણ છે...