આપઘાત:શ્વાસની બીમારીથી કંટાળી વૃદ્ધનો આપઘાત

જામનગરમમાં રણજીતસાગર રોડ પર પુષ્કર સોસાયટીમાં રહેતા વૃધ્ધે ઘરે બાથરૂમમાં એસિડ પી જીવતર ટુંકાવ્યાનો બનાવ બહાર આવ્યો છે.મૃતકને એકાદ માસ પુર્વે કોરાનાની બિમારી થઇ હતી જે બાદ શ્વાસની બિમારી વળગતા શ્વાસની બિમારીથી કંટાળી જઇ આ પગલુ ભરી લીઘુ હોવાનુ પોલીસમાં જાહેર થયુ છે.

પોલીસસુત્રોમાંથી મળતી વિગત મુજબ જામનગરમાં રણજીતસાગર રોડ પર પુષ્કર સોસાયટીમાં રહેતા અને નિવૃત જીવન વ્યતિક કરતા ગોવિંદભાઇ પુનાભાઇ લિંબડ (ઉ.વ.63) નામના વૃધ્ધે ગત તા. 6ના રોજ સવારે પોતાના ઘરે બાથરૂમમાં એસિડ પી જતા તેઓને તાકિદે સારવાર અર્થે જામનગરની જી.જી.હોસ્પીટલમા઼ ખસેડાયા હતા.

જયાં સારવાર દરમિયાન તેઓનુ મૃત્યુ નિપજયુ હતુ.આ બનાવની જી.જી.હોસ્પીટલના તબીબે પોલીસે જાણ કરતા સીટી એ પોલીસની ટીમ દોડી ગઇ હતી.પ્રાથમિક પોલીસ તપાસમાં મૃતકને એકાદ માસ પુર્વે કોરાનાની બિમારી થઇ હતી જે બિમારી બાદ તેઓને શ્વાસની બિમારી વળગી હતી.જે શ્વાસની બિમારીથી કંટાળી જઇને આ પગલુ ભરી લીઘુ હોવાનુ પોલીસમાં જાહેર થયુ છે.આ બનાવની વધુ તપાસ સીટી એ પોલીસે હાથ ધરી છે.