આપઘાત:ભાવિ ભરથાર સાથે ફોનમાં ઝઘડો થતાં શ્રમિક યુવતીનો આપઘાત

ધ્રોલના ખારવા સીમમાં રહેતી અને ખેત મજુરી કરતી પરપ્રાંતિય યુવતિએ ઝેરી દવા પી જતા ઉલટી ઉબકા આવતા હોસ્પીટલમાં સારવારમાં તેનુ મૃત્યુ થયુ હતુ. મૃતકને સગપણ બાદ ફોનમાં ભાવિ ભરથાર સાથે વાત વેળા ઝઘડો થતા માઠુ લાગી આવતા પગલુ ભરી લીઘુ હોવાનુ જાહેર થયુ છે. ધ્રોલ નજીક ખારવા ગામની સીમમા રહેતી અને ખેતમજુરી કામ કરતી મુળ મધ્યપ્રદેશના બડવાની પંથકના વતની પિન્કીબેન મહેશભાઇ રાણે(ઉ.વ.19) નામની યુવતિએ ગત તા.23ના ઝેરી દવા પી જતા ઉલટી ઉબકા આવતા તાકિદે સારવાર માટે હોસ્પીટલમાં ખસેડાઇ હતી. જયાં સારવારમાં તેનુ મૃત્યુ નિપજયુ હતુ.આ બનાવની મૃતકના માતા ગાયત્રીબેન રાણેએ જાણ કરતા ધ્રોલ પોલીસની ટીમ દોડી ગઇ હતી.

પોલીસે મૃતદેહનો કબજો સંભાળી પોષ્ટમોર્ટમ કરાવ્યુ હતુ. મૃતક યુવતિનુ થોડા સમય પુર્વે સગપણ થયુ હતુ અને ત્યારબાદ બનાવના બે દિવસ પુર્વે ફોનમાં ભાવિ ભરથાર સાથે વાતચિત વેળા ઝઘડો થયો હતો જે બાબતનુ માઠુ લાગી આવતા તેણીએ આ પગલુ ભરી લીઘુ હોવાનુ પોલીસમાં જાહેર થયુ છે.