આપઘાત:દરેડમાં બિમારીથી કંટાળી ઝેરી દવા પી મહિલાનો આપઘાત

દરેડમાં રહેતી મહિલાએ ઘરે ઝેરી દવા પી જીવન ટુંકાવી લીઘુ હતુ.મૃતકે બિમારીથી કંટાળી આ પગલુ ભરી લીઘાનુ જાહેર થયુ છે.

દરેડમાં મસીતીયા રોડ પર શાળા નજીક રહેતા શકિનાબેન હનીફભાઇ ખફી (ઉ.વ.40) નામની મહિલાએ ઘરે વહેલી સવારે ઝેરી દવા પી જતા તાકીદે સારવાર અર્થે હોસ્પીટલમાં ખસેડાયા હતા. જયાં ટુંકી સારવાર દરમિયાન તેનુ મૃત્યુ નિપજયુ હતુ.મૃતક છેલ્લા ચારેક માસથી માનસિક બીમાર જેવા રહેતા હોય અને અમુક સમયે ઉંઘ આવતી ન હોવાથી કંટાળી પગલુ ભરી લીઘુ હોવાનુ પોલીસમાં જાહેર થયુ છે.

શહેરની ભાગોળે લાલપુર ચોકડી નજીક જયહરી-2 વિસ્તારમાં રહેતા પુજાબેન આશીષભાઇ ગોંડલીયા (ઉ.વ. 22) નામની પરિણીતાએ ઘરે દુપટ્ટા વડે ગળાફાંસો ખાઇ આયખું ટુંકાવી લીઘુ હતુ.આ બનાવની મૃતકના પતિ આશીષભાઇ નવીનભાઇએ જાણ કરતા પંચ બી પોલીસની ટીમ દોડી ગઇ હતી. મૃતકના પરિજનનુ પોલીસે નિવેદન નોંધ્યુ હતુ.જેમાં મૃતકે તેના માતાને ઉપરવટ જઇ લગ્ન કરવા માટે મનાવી લીઘા હતા જે બાદ તેણી આ વાતનો અફસોસ કરતી રહેતી તેમાં મૃતકને પતિ મનાવી લેતા હોય આમ છતા આ વાતનુ મનોમન લાગી આવતા આ પગલુ ભરી લીઘાનુ પોલીસ સમક્ષ જાહેર થયુ છે.