અકસ્માત:જામનગરમાં કાર સાથે અથડાતા રિક્ષા પલટી, ચારને ઇજા પહોંચી

જામનગરના થાવરિયા નજીક બે રિક્ષા અને કાર વચ્ચે અકસ્માત થયો હતો. જેમાં 4 લોકોને ઇજા પહોંચી હતી. ઇજાગ્રસ્તોને સારવાર અર્થે નજીકની હોસ્પિટલ ખસેડવામાં આવ્યા હતા. અકસ્માત થયાની જાણ થતાં આસપાસના સ્થાનિક ઘટનાસ્થળે પહોંચી ગયા હતા અને બનાવ અંગે પોલીસને જાણ કરી હતી. પોલીસે ઘટનાસ્થળે પહોંચી આગળની કાર્યવાહી હાથ ધરી હતી.

બનાવની પ્રાપ્ત વિગતો અનુસાર, જામનગર નજીક થાવરિયા પાસે બેઠા બાયપાસ ચોકડીએ આ અકસ્માત બન્યો હતો. એક કારે બે રિક્ષાને અડફેટે લીધી હતી. જેમાં રિક્ષામાં સવાર લોકોને ઇજા પહોંચી હતી. અકસ્માતના પગલે થોડો સમય માટે ટ્રાફિક જામ થઇ ગયો હતો. જોકે પોલીસે સ્થળ પર પહોંચી ટ્રાફિક હળવો કર્યો હતો. ઇજાગ્રસ્તોને 108 દ્વારા

જામનગરની જીજી હોસ્પિટલ ખાતે ખસેડવામાં આવ્યા હતા. જ્યાં એક વ્યક્તિની હાલત ગંભીર હોવાનું જાણવા મળ્યું છે.