જવાબદારી:શહેરમાં ગેરકાયદે બાંધકામોને અટકાવવા જવાબદારી સોંપાઈ

જામનગર મહાનગરપાલિકાના હદ વિસ્તારમાં ટીપીઓ બ્રાંચ દ્વારા ખાસ બાંધકામ જે ચાલી રહ્યા છે તેના ઉપર અનઅધિકૃત બાંધકામને અટકાવવા માટે થઇને મહાનગરપાલિકાના કમિશ્ર્નરની સીધી દેખરેખ હેઠળ ટીપીઓ બ્રાંચના ઇજનેરોને ફરજ સોંપવામાં આવી છે.

જામનગર મહાનગર પાલિકાના ટીપીઓ અને એ-ટીપીઓના નેજા હેઠળ વોર્ડ વાઇઝ ઇજનેરની નિમણુંક કરવામા આવી છે. કુલ 16 વોર્ડ માટે ત્રણ ટીમ બનાવામાં આવી છે. આ ટીમ દ્વારા વોર્ડમાં થતા બાંધકામો અંગે રિર્પોટીંગ કરવામાં આવે છે.

જામનગર મહાનગર પાલિકાના કુલ 16 વોર્ડ છે. જેમાં 1 થી 6 વોર્ડ માટે કેતન કટેશીયા ટીમ લીડર તરીકે છે. તે જ રીતે વોર્ડ નં.7, 8, 10, 13, 15 માટે ટીમ લીડર નયન ભટ્ટની નિમણુંક કરાઇ છે. જયારે ટીમ લીડર ધવલ પંડયાને વોર્ડ.નં.9, 11, 12, 14, 16ની જવાબદારી સોંપવામાં આવી છે.

આ ટીમમાં લીડર ઉપરાંત ઇજનેર પણ તેના આસીસસ્ટન્ટ તરીકે ફરજ બજાવે છે. જેમાં જે કોઇ બાંધકામો ચાલતા હોય તે નિયમ મુજબ બાંધકામ કરે છે કે કેમ ? ગેરકાયદેસર બાંધકામ થતુ હોય તો તેનુ રોજકામ કરીને નોટીસો પણ નિયમ મુજબ આપવામાં આવે છે. તાજેતરમાં મહાનગરપાલિકાના કમિશ્ર્નર શહેરમાં જુદા-જુદા જે કોઇ બાંધકામો કરવામાં આવે છે. તેન માટે કમ્પલીશન સર્ટીફીકેટ લેવા માટે જાહેર સુચના પ્રસિદ્ધ કરવામાં આવી છે. આ ટીપીઓ બ્રાંચ દ્વારા કમ્પલીશન સર્ટીફીકેટ વગરના બાંધકામો પણ ટુંક સમયમાં કાર્યવાહી હાથ ધરવામાં આવી છે. તેવુ જાણવા મળ્યું છે.